Cutie, Serg ug Papa Joe sa Eat Na Ta!
Pormal na nga ipaila karong Lunes ngadto sa mga sakop sa E- Group (Entertainment Group) ang mobarug nga main hosts sa umaabot nga pre-noontime show sa Tape Inc. nga gitumong alang lamang gayud sa mga Sugbuanon.
Kini mao ang Eat Na Ta, unang nabalita dinhi sa Banat Hugyaw kapin na sa duha ka semana ang milabay. Unang nabalita nga sila si Nikki Taylor ug Papa Joe sa sikat nga programa sa dyRT, “Come To Papa” ang maglangkub isip hosts.
Apan ang staff sa Tape Incorporated, producer sa longest running noontime show, Eat Bulaga, nanawag sa Banat Hugyaw niadtong Huwebes sa hapon og miingon nga dunay mga kabag-ohan sa line up sa hosts, ug niya pa out na si Nikki. Nagdumili siya pagbutyag unsay hinungdan ug mas maayo nga paabuton ang presscon karong Lunes sa gabii.
Pwes, nasimhotan sa Banat Hugyaw kagahapon ang kompleto na nga line-up sa main hosts; nagpabilin si Papa Joe ug dunay duha ka mga ngalan nga nadugang. Sila mao si Cutie del Mar, anak ni Congressman Raul del Mar ug ang stage perfomer nga si Serg Michael, sa 22nd Street.
Nasayran sa Banat Hugyaw usab kagahapon nga nahuman ang Opening BillBoard (OBB) sa maong show nga magsugod na sa November 24, 11:30 sa buntag sa GMA-7.
Tsika pa sa tinubdan sa Banat Hugyaw nagbitbit og bodyguards si Cutie atol sa taping sa OBB ug matud pa ang nakanindot lang sa nahisgutan mao nga kung magsugod na ang taping wala na kini daghang arte ug trabaho na dayon to the max.
Last week pa ang nahisgutang taping, kadlawo’ng dako hinungdan nga gidayeg ug nahisgutan dayon si Cutie sa production team sa Eat Na Ta kay matud pa game ra kaayo ug walay arte arte.
- Latest
