Kumusta'ng gipili ninyo?

Yess, Mga Manash! Election is over. Hasta gani ang All Saints Day, ug All Souls day, niagi na sad; so kinahanglang karon pa lang, maghinayhinay na jud mo’g hunahuna kun unsay inyong ihatag nako, ug sa uban pa ninyong mga dear ones.

Pero ato unang balikan ang eleksyon. Kumusta man ang inyong gipili, nakadaog? Duna ba’y mga artista konohay or mga sakop sa print or broadcast media nga midagan diha sa inyong dapit? Namotar ba mo nila? Nganong namotar man mo nila? Tungod lang ba kay popular sad sila ug ilado, ug kanunay ninyo silang makita sa telebisyon? Ug sa mga pamantalaan? Ana? Or, nasayod gyod mo sa iyang ka sinsero sa pagsilbi ninyo? Duna raba ko’y nailhang pipila ka mga sakop sa media nga confident kaayong modaog sila, kay popular lagi kono sila, wa nila hunahunaa’g nakagusto ba gyod ang mga tawo nila. Ako gani nga daghan kaayong mipasalig nga mamotar nako, wa man makadaog. Giingnan pa ko’s mga kanahang mipasalig nako nga mamotar nako nga, “Kriss, nibotar lang gyod ming, so and so [name witheld], kay nakadawat ko’g P100.00, naikog ko”   Ingon ana ang mga tawo dihas inyo?

Duna ko’y nailhang sakop sa media. Ato ato ra ni. Nagpapili pagka konsehal. Sa wa pa ang eleksyon, apil unta siya sa grupo nga mo serve sa usa ka seminar. Sabton na lang nato ang iyang pagka reporter, busa dili siya makatambong usahay sa mga meeting, bisa’g chairman siya sa usa ka committee. Ang paet, kay bisa’g kinahanglang pormal na gyod ang isul-ob sa seminar, ang gisul-ob pa gyod niya, ang T-shirt nila sa pagpangampanya. Unya, ingon nianang klaseha’s pagkatawo ang inyong gipili, tungod lang kay ilado na kono siya? Duna pa’y usa, chairman sa beauty contest, pero nakigsabot sa usa sa mga candidates nga inay 50 percent ang mabalik nga kwarta [kay money contest man] ngadto’s kandidata, 75 percent ang gibalik, para lang gyod modaog. Member raba ko atong grupoha, mao na nga wa na gyod ko mag-apil apil sa ilang kalihokan ron, wa sad ko mobotar niya, bahala na’g awayon ko inig kabasa niya ani ron. Hinaot wa siya modaog. Di ko gustong ingon ana ka corrupt ang akong mapili.