Oi! Double  Celebration,  Hugyaw!

Boo! Hehehehehe! Happy Halloween mga kaBischika! For sure kadaghanan ninyo karon nanguliay na or naa na sa inyong tagsa-tagsa ka probinsiya para sa All Souls Day ug All Saints Day.  Kung asa man gani mo mahimutang karon, have a blessed Sunday ahead ug amping gyud mo kanunay.  Ayaw pud og kalimut og tan-aw sa Oi! Show Nato Ni! mga kaBischika kay malingaw gyud mo sa among dalit ninyo karon ilabi na nga doble ang giandam nga celebration sa Oi! para natong tanan.  MaHugyaw gyud mo mao nga tan-aw na.  Moving on . . .

Ride to Fame Grand Finals karon na!

Sa laing bahin mga Kabischika, nagpanikad nako kay karong adlawa ato nang masaksihan sa GMA TV-7 ang Grand Finals sa  Ride to Fame diin ang atong manok sa Sugbu usa sa mga Finalists——ang gwapa kaayo nga si Qwyncy Siclot! Siya na kaha ang makalangkat sa maong titulo? Sa pagtawag nako sa iyang auntie sa miaging semana dako kaayo ang iyang pasalamat, and also ang mga ginikanan ni Qwyncy sa dakong suporta sa mga Sugbuanon pinaagi sa text votes. Kung unsa man ang mga mahitabo karong Domingo ila kining gisalig sa Kahitas-an. Go Qwyncy! Kaya mo yan! Atangi unya si Qwyncy sa iyang pagbalik kay motikang gyud siya sa Oi! Show Nato Ni!

Congratulations

Knch Lhnn Cabillo!

Dako kaayong garbo sa Sugbu sa dihang nakalangkat og titulo kining sais anyos nga bata sa Eat Bulaga Little Miss Philippines Grand Finals nga si Knch Lhnn Cabillo.  Bisan wala niya nakuha ang korona dili gyud kini mabintahaan sa ubang mga chikiting. In fact, ato na kini siyang nasuwat sa atong column kung unsa kini ka bibo ug maayo gyud ka maayo manubag sa mga pangutana. Pwes, dunay laing hugyaw nga oportunidad nga giandam ang Ginoo para niya tungod kay karong higayona siya na gyud ang nagmadaogon isip SM Little Star for girls nga didto gipahigayon sa SM Mall of Asia. Prizes galore ang naangkon ni Knch Lhnn with a modelling contract with SM Department Store Nationwide. Congratulations!

La Vendetta Ugma Na!

Magsugod na ugma ang labing bag-ong GMA Telebabad sa GMA TV-7 nga bidahan nilang Jennylyn Mercado, Jean Garcia ug Sunshine Dizon. Ayaw ninyo sipyata ang suspense drama nga atong mahalon matag gabii. Istorya kini sa usa ka nagmahal, nahigugma, ug pagluib. Usa ka kalag ang mobalik para manimalos sa mga angay magbayad sa nahitabo kaniya. Kinsa ang utok sa tanan? Atangi!

MATSALAMZ!

Matsalamz kaayo sa tanang ni greet sa akong adlaw natawhan ilabi na sa Hugyaw editor sa Banat nga si Ryan Mark, as in na-touched ko te!; ang gwapang Jude Bacalso nga pwerte gyung hugyawa nako sa iyang message; si Mama Orly “La Orla” Cajegas nga best in lenggua as usual, ug akong mga best friend nga tua pa sa Saudi Arabia ug Dubai nga si Harry Cequiña ug Francis Gacasan sa ilang emote kaayo nga message, ug syempre ang akong mga ever supportive nga Gays Unlimited nga nagkadaghan na!  Matsalamz kaayo sa akong Oi! family from the staff sa wa’y hunong nga suporta nga ilang gihatag nako and to Madam Lily for believing in me, ug sa mga viewers sa Oi! Show Nato Ni! nga mao among boss ug inspirasyon namo . . . salamat sa inyong pag-text sa Yurhotline sa 0927 371 55 33 . . . kung di man gani ta mo matubag dayon, ayaw lang kaguol kay gibasa gyud na nako inyong messages by heart . . . padayon gihapon mo sa pag-text ilabi na kung naa moy gusto ipa-greet ug kun naa moy events ug uban pa nga gusto ninyong mahibaw ang tibuok Kabisay-an . . . Anyway, salamat ninyong tanan . . . and thanks also to my Mama Bing-Bing, ug labaw sa tanan sa Kahitas-an.  Matsalamz kaayo sa tanan! As in grabeh, Matsalamz! I love you all!