‘Dapat ba akong ma-afraid sa bantang demanda ng isang American citizen?’
Muntik na akong ma-late sa pagsisimba kahapon dahil sa phone-patch interview sa akin ng Showbiz Central tungkol sa isyu na nakita kong magkasama sa isang hotel sina Piolo Pascual at Sam Milby.
At dahil nagsimba ako, hindi ko na napanood ang The Buzz. Nabalitaan ko na lang na idedemanda raw ako ni Sam dahil may malisya ang aking mga sinabi.
Gusto raw ni Sam na i-retract ko ang mga kuwento or else, magdedemanda siya. Well, this is a free country. Kung anuman ang gustong gawin ni Sam, malaya siya pero paninindigan ko ang aking mga salitang binitiwan.
* * *
Marami ang tumatawag sa akin para kunin ang side ko tungkol sa threat ni Sam na idedemanda ako.
Hindi muna ako magpapainterbyu dahil baka mapagalitan ako ng PUM at EP ng Startalk ‘noh! Siyempre, gusto nilang exclusive sa Startalk ang pagsasalita ko.
Dapat ba akong ma-afraid sa isang American citizen na tulad ni Sam? Teka, ask ko muna ang mga bossing ko sa Pilipino Star Ngayon at PM na nag-promise na susuportahan nila ako, all the way. All the way daw o!
* * *
Isang bagay lang ang ikinatatakot ko, baka sa Amerika mag-file ng kaso si Sam. Hindi ko pinangarap na bumiyahe ng malayo noh?
Ang layo-layo ng Amerika! Kawawa naman ako, inaapi ako sa sariling bayan ng isang American citizen!
* * *
Marami ang nakapansin na malaki ang ipinayat ni Pauleen Luna kaya gusto nilang malaman ang kanyang sikreto.
Nagbababad ba si Pauleen sa gym? Over-worked ba siya o namayat siya dahil sa sobrang pagmamahal sa kanya ni Mayor Sherwin Gatchalian?
None of the above ang tumpak na kasagutan dahil pomelo o suha ang sikreto ng pagpayat ni Pauleen.
Maya’t maya ang pagkain ni Pauleen ng suha at ang kanyang Mommy Chat ang masigasig sa pagtatalop ng prutas na ibinabaon ng kanyang anak sa mga taping.
Na-discover ni Mommy Chat ang milagro ng suha mula sa kanyang kapatid na babae na
Nagbakasyon sa Pilipinas ang kapatid ni Mommy Chat at ito ang sumundo sa kanyang sister dear sa airport.
Alam n’yo ba ang nangyari? Muntik nang makalampas kay Mommy Chat ang kanyang kapatid dahil hindi niya ito nakilala.
Mataba ang kapatid ni Mommy Chat pero malaki ang ipinangayayat nito dahil sa pagkain ng suha na sinabayan niya ng konting excercise.
Na-inspire si Mommy Chat sa sexy figure ng kanyang kapatid kaya pinayuhan niya si Pauleen na mag-suha diet!
Presto! Bumaba ang timbang ni Pauleen dahil sa suha! Maganda ang epekto ng suha kay Pauleen pero ayoko itong irekomenda sa iba dahil baka magkaroon ng ibang side effect sa inyong mga katawan.
Sa mga gustong subukan ang suha diet, i-try n’yo muna at kung medyo sumama ang inyong pakiramdam, huwag pilitin dahil baka magkasakit kayo.
- Latest
