Mas gusto ko sa bag-o nila
Sa miaging Sabado, Oktobre 13, na-isnab nako ang birthday ni Tatay Dodong Lim Chua, ni Sir Eddie Gul [kini hinoong birthday ni Sir Eddie Gul kanunay ni nakong “ma-isnab” kay mahadlok kong motipon sa mga S na kaayong mga tawo], ang piyesta sa Birhen sa Fatima [sa Pahina Central ug sa SMAA, sa Sambag l, ug uban pa lakip na ang presscon unta sa GMA- 7, diin bitbiton gyod unta ko’s akong editor dinhi nga si Ryan Mark bisa’g wa ko’y imbitasyon, tungod kay naagnas na gyod ko pag-abot nako sa balay nga kilomkilom na gikan ko sa presscon para sa “Saranghe” sa ABS-CBN-Cebu.
Sorry, ingon ana na jud ang aging gay. Hinoon sa miaging Miyerkules, Oktobre 10, mipahigayon pa mi og show sa Upper SMAA sa Sambag 1, ug tungod kono kay nakagusto jud sila sa among show, gipabalik ming grupo sa “Tres Metros” sama sa tulo ka unano nga sila si Alllan “George” Castro, Armand “Ramil” Castro, Fernan “Marlon” Noval, Pakol ug Gardo nga naila isip Dos Agodos, Sweet Babes Dancers nga sila si Mariz, nga sweet kaayong tan-awon sila si Greg Lawas ug Karla nga gisigihan sad og sunod sunod ni Ruby Ramirez abi kay wa man si Raprap, ug ang giila na karong “Michael Jackson of Cebu” nga si Silver Yu Salamin, ug ang kanhi struggling singer nga karon full time member na sa CCTN Choir ug tinuod na gyong cameraman. Pero sila ra si Greg Lawas, Christian Tariman ug direk Pepe Tariman [nga may iring iring sad kono diha
Balik sa presscon sa bag-ong Cebuanovela sa ABS-CBN-Cebu, sa pag-sulod pa lang nako sa Fil Hangang Korean Restaurant sa 2nd level sa SM City giganahan na ko dayon sa atmosphere kay daw nalipay na ang tanan sa pagkakita nako. Ato ganing orasa wa pay mga sakop sa E-Group, (Entertainment Group), mga staff ug mga bit players pa lang ang diha, wa pa ang mga major stars kay nag-radio tour pa man, busa na-at home dayon ko. Sa pag-abot sa mga major stars nga sila si Choi Jin Wook [or Keric], Gryka Barrientos, ug Jay Justiniani [ang frontliner sa grupo nga Cueshe], nalipay gihapon ko kay gitimbaya man ko nila, labi na si Jay [ingon ana lang ka mabaw sa akong kalipay] nga mora gyod og nasuod na mi. Sa pagpakita sa ilang teaser, misamot ang akong pagbilib ug naingnan jud nako ang director-writer nga si Jurey Mirafuentes nga mas nindot kini kay sa mga nangagi niyang mga projects.
- Latest
