Riza, 10 minutes  rang nag-impake

Nangangkon si Ms Earth Canada, Riza Santos nga wala gyud siya magdahom nga pasok siya sa “Pinoy Big Brother Celebrity Edition 2.” Kini human siya namahayag ngadto sa press niadtong Huwebes nga mi-audition siya apan wala siya masayod unsay resulta.

Suma pa niya ngadto sa PangMasa, nakugang na lamang siya dihang kalit siya nga gikuha sa iyang gipuy-an ug gimanduan nga mag-impake sulod sa napu ka minutos kay lakip siya sa mga housemates.

Gani iya mang gipahibaw nga apil siya sa movie nila ni Aga Muhlach ug Anne Curtis; pwes ang resulta on hold una ang tanang plano sa Viva Artist Agency alang niya.

Samtang lima pa ka housemates ang madugang sa 10 na nga nasulod niadtong Domingo sa gabii. Kini tungod kay counted as one ra sila si Baron ug Donald Geisler, ug ang duha ka 26K sa “Kapamilya Deal or No Deal” nga sila si Marylaine Viernes ug Jen da Silva.

Lakip pa sa mga nasulod na mao sila si  Will Devaughn, Megan Young, ang comedian from Davao, nga si Ruben Gonzaga, Victor Basa ug Yayo Aguila.

Samtang unang migawas ang taho nga lakip si Ethel Booba sa mga housemates, apan ang latest mao nga miback-out ang komedyana kay dili siya buot nga mabuwag sa iyang uyab nga si Janvier Daily.

Manghod ni Glaiza, mihilak kay natagak

Mihilak ang Best Actor winner nga si Alchris Galura, manghod ni Glaiza de Castro, dihang natangtang siya last Sunday sa “Ride to Fame” sa GMA-7. 

Dance showdown sila last Sunday ug giangkon ni Alchris nga dili gyud siya maayong mosayaw, gibuhat na lamang niya ang tanan kutob sa iyang mahimo.

Asoy pa niya ngadto sa PangMasa, miapil siya sa contest tungod kay gusto siya nga makatabang sa iyang ate nga maoy breadwinner sa pamilya.

Pero nagtuo si Alchris nga dunay maayong oportunidad nga nagpaabot niya.

Pangandoy ni Alchris nga makaapil og teledrama ug makahimog pelikula.

Puros pa indie films ang iyang nagama.

Bianca King ipares  ni Alfred

Mamatay na ang character ni Bianca King isip Natalia sa “Marimar” pero duna na siyay follow-up project. Kagahapon, matud pa sa PangMasa nga nag story conference na alang sa bag-ong Sinenovela sa GMA-7, ang “My Only Love” diin makauban niya sila si Mark Herras, Rhian Ramos, ug Alfred Vargas ug ubos unya sa direksyon nila ni Louie Ignacio ug Perry Lansingan.

Kini maoy hulip sa “Kung Mahawi Man Ang Ulap” sa mid-November.

Samtang sa Marimar, unhan ni Natalia si Marimar sa pagsulti ngadto ni Gustavo (Jestoni Alarcon) sa iyang kasinatian busa dili mutuo ang nauwahi ni Marimar.

Suwayan og patay ni Natalia si Marimar hinungdan nga motambag si Esperanza (Bing Loyzaga) nga ipa-DNA ang duruha.  Makugang si Gustavo inig basa na niya sa DNA test, si Marimar ang tinuod niyang anak. Pusilon ni Natalia si Marimar, pusilon usab siya sa mga pulis, atakihon si Gustavo hinungdan nga mamatay kini.

Imbitahon ni Kim (Cristine Reyes) si Marimar, muabot pud si Sergio.  Magkita na kaha ang duruha?