Angel, Piolo nag-retreat sa Antipolo

Dumalaw sa akin si Ela Colmenares at ma­rami kaming napag­kwentuhan tungkol kay Angel Locsin. Sinabi nito na bago pala mag­simula ang taping ng La Loba Blanca kung saan magkapareha ang kanyang kapatid at si Piolo Pascual ay nag-retreat muna sila sa Antipolo kasama ang ibang mga kasa­mahang artista. Layu­nin nito ay para mag­karoon ng bonding ang lahat ng kasama sa teleserye at maging maganda ang kanilang working relationship.

Ela, batang Analiza

Naikwento ni Becky Aguila na dumating na ang biggest break ng isa pa niyang batang alagang si Gabriela o Ela Cruz na napanood sa Majika, Now and Forever, Atlantiko, Super Twins at Mari­mar.

Si Ela ang gaganap na batang Analiza na mapapanood na sa Dos.

Puring-puri nga ito ni Direk Jerry Sineneng dahil super galing umarte lalo na sa ma­dramang eksena. May lalim ang acting nito ayon pa sa direc­tor.

Fantastic man, maghihiganti!

Guest sina Ariel Rivera, Juliana Paler­mo, Luis Alandy at LJ Reyes sa Fantastic Man ngayong Sabado na tinatampukan ni Mark Herras. Nataka­san ni Binhi (LJ) si Draxor (Luis). Matatag­puan ni Lloyd (Patrick Garcia) si Binhi at kukumbinsihin niya itong ipasa sa kanya ang kapangyarihang hawak ng dalaga.

Samantala, katulong ang bagong PSI Agent na si Juliana (Juliana) ma­tutunton ni Prof. Ma­nalo (Joey Mar­quez) ang kuta ni Dra­xor.

Ipaghihiganti ni Fantastic Man ang pag­ka­matay ni Dan­ny 2.0. Mapapa­sok niya ang kuta ni Dra­xor. Handa na kaya ang superhero na hara­pin ang pinakamatinding kalaban?

Tutukan ang Fan­tastic Man: Ang Ika­lawang Laban nga­yong Sabado Oct. 13 pagkatapos ng Wish Ko Lang.

Polo, love pa rin Si Sunshine

Kung may babalikan si Polo Ravales sa mga naging nobya niya si Sunshine Dizon yun at wala nang iba. Sa tagal ng kanilang naging relasyon ng aktres na tumagal ng apat na taon ay inamin nitong may espesyal na lugar sa kanyang puso ang aktres at di nawawala yun. First love ni Polo si Sunshine kaya mahirap siyang kali­mutan ayon pa rito.

Ngayong balik-tambalan sila sa La Vendetta ay posibleng magkaroon ng reconciliation, di kaya?