“Faith  Begins”

Hello mga pinalangga nakong mga suki sa Banat Hugyaw. Malipayon kaayo ang inyong Bischikador karon kay ihatod napud nako ninyo ang mga Bisayang Chika kalabot sa inyong paboritong singer sa atong panahon.Sa ikaduhang higayon nagkita mi og balik (ang una niadtong 2004 sa dihang ako ang nag-host sa iyang album mall tour  diri sa Sugbu), ang  “Sensational Diva” para sa iyang bag-ong album under Viva Records entitled Faith Begins the Live Album. Adunay 18 tracks and for the first time atong madunggan si Faith nga mukanta og mga English songs. Sa hamubong higayon nga nagkuyog mi from her radio tour sa GMA and guesting niya sa Oi show nato ni!, akong nailaila ang nikanta sa theme song  sa bag-ong Korean Novela sa GMA Telebabad, Hwang Jini, si Ms. Faith Cuneta.

Sa edad pa lang nga 10-anyos nagsugod na og  kanta ang atong bida. Wala pud niya ilimod nga  nasuwayan niya ang pag-apil sa mga singing contest. Dili niya makalimtan ang pag – apil og usa ka singing search sa GMA diin  batch pa sila ni Kyla ug pareho silang nidaug sa maong contest, ang Metro Pop Search sa tuig nga 1997. Sulod sa pito ka tuig nag lounge singer siya sa mga  bars sa Manila.  Kung kantahan lang ang hisgutan dili na kini malimod kay nidagayday na kini sa iyang mga kaugatan. Gikan sa pamilya nga Cuneta, diin nagdako siya sa Pasay City. Manag igsoon ang Papa ni Faith ug atong Megastar Sharon Cuneta. So meaning, auntie niya si Sharon Cuneta. Layshu!

Ang pangutana, nganong giilisan man ang iyang first name from Carmella to Faith? “ Ayaw kasi ng manager ko ngayon na Carmella, masyadong matanda daw,” bischika pa ni Faith. Loveless kuno siya sa pagkakaron kay mas gitagaan niya og higayon ang iyang singing career.Pero wala niya itago nga crush niya si Piolo Pascual. Pareha sa career single sa iyang album nga “Come What May,” ang tanang nahitabo sa iyang kinabuhi iyang gihalad sa Ginoo.

Mga suki mao kini ang iyang mensahe sa mga Sugbuanon: “Salamat po sa lahat na suporta ninyo at sana bumili kayo ng CD ko at huwag iyong pirated,” ni Sensational Diva pa.

O, mga ka bischika sa sunod napud nga higayon lain na pud ninyong  paboritong mga artista ang akong Bischika ninyo kay para namo kamo ang nakapa Hugyaw namo. Mwah!