Direk Lino at KC, sabay pumunta ng Singapore

Naging matensyon ang mga nakaraang linggo sa buhay nina Direk Lino Cayetano at KC Concepcion, ang director sa pagkaabala sa ipinalalabas pa ring pelikula nina Kim Chiu at Gerald Anderson at si KC naman sa matagum­pay niyang special sa ABS-CBN.

Bilang pampaalis ng pagod at tensiyon ay mag­kasamang nagba­kas­yon sa Singapore sina KC at Direk Lino, ilang ka­ibigan namin dun na nag­tatrabaho ang nakakita sa kanila sa Orchard, yun ang itinu­turing na central district sa Singapore.

Gandang-ganda ang aming mga kaibigan kay KC na hindi raw nakaka­limot ngumiti basta may nakikitang mga Pinoy, “Napakabait ng anak ni Sharon, walang kaere-ere, siya pa ang buma­bati sa mga Pilipinong naka­kasalubong niya,” papuri ng aming kaibigan sa da­laga.

Gwapung-gwapo na­man ang mga ito sa di­rector, marespeto raw si Direk Lino at tulad ni KC ay hindi rin maramot sa pagngiti, “Saka pwede siyang gumanap na Jesus Christ sa mga passion play natin, na­pakaamo ng mukha niya, parang ang sarap niyang maging boyfriend,” ko­mento pa rin ng aming kaibigan.

Ayon sa impormas­yong nakarating sa amin ay nanood muna ng sine ang dalawa, pagkatapos ay nag-shopping, ma­lam­bing daw sina Direk Lino at KC sa isa’t isa.

“Pero yung sweet­ness na disente pa rin, hindi OA ang kanilang mga kilos, alam mong they love and respect each other,” sabi ng ating kababayan.

Maraming kaibigan namin ang nagsasabi na napakaswerte ni KC kay Direk Lino, ang im­pres­­yon ng mga nakaka­usap namin sa director ay na­pakabuti nitong anak, kaya magiging ma­buti at responsableng asawa at ama rin si Direk Lino.

Pareho lang silang maswerte sa bawat isa, si KC sa kabila ng kan­yang tagumpay ay naka­tapak pa rin ang mga paa sa lupa, nasa kanya na ang lahat na mga kata­ngian para magbago pero hang­gang ngayon ay nanana­tiling mapag­kumbaba ang dalaga ng megastar.

* * *

Mas bumagay kay Piolo Pascual ang maig­sing buhok, mas nag­mukha siyang malinis at mabango sa bago niyang gupit, kapag tinilad-tilad mo ang bawat bahagi ng mukha ng aktor ay masa­sabi mong walang mali sa kanyang itsura.

Marami na kaming nakikitang magandang pares ng mga mata, pero ang mga mata ng aktor ay ibang-iba, kahit na­kangiti na si Piolo ay para pa rin siyang nanghihingi ng awa at pang-unawa.

“Ganun? Parang na­mamalimos ang mga mata ko?” pagkoko­med­ya ng isa sa mga artis­tang may mabuting puso.

Halos wala na naman siyang pahinga ngayon dahil nagsimula na ang taping nila ni Angel Loc­sin para sa seryeng Lobo, may kahirapan ang papel na ginampa­nan niya ngayon, dahil puro maaksiyon ang kanyang mga eksena.

Meron pa siyang mga sugat-sugat sa kamay noon dahil sa pulbura, ilang linggo ring nag-target shoot si Piolo bilang preparasyon sa kanyang papel sa Lobo, modeling naman ang pinag-aralang mabuti ni Angel.

Bukod sa kanyang taping ay kaliwa’t kanan din ang booking niya para sa mga shows sa mala­layong probinsiya, naka­kaawa nga si Piolo, dahil kung minsan ay sa airport na siya nanggagaling kapag nagre-report siya sa taping.’

Kailangan nilang mag-double time sa taping ngayon dahil pa­alis na na­man ang actor-singer para sa kanyang series of shows sa Ame­rika, pala­ging masaya si Piolo ka­pag sa Amerika ang kan­yang show, mag­kikita na naman kasi sila dun ni Mommy Amelia.

“I also have to spend time with may son, dun na kasi siya nag-aaral, nung last time ngang nandun ako, namasyal kami sa Disneyland. Miss ko na ang anak ko,” sabi pa ng aktor.

Matindi ang pisi ng pasensiya ng aktor na ito, dinadapurak na siya ng iba diyan, pero nananatili lang siyang tahimik. Ipi­nagpapasa-Diyos na lang niya ang mga gan­yan, tutal naman, ilang araw ay lalabas din kung ano ang totoo.

Ang pagiging mares­peto at tahimik ni Piolo Pascual ang mga kata­ngiang minahal sa kanya ng sambayanan, napa­ka­sarap nga namang su­muporta sa isang artis­tang marunong magpa­halaga sa kanyang kap­wa, masarap mahalin ang tulad ni Piolo Pascual na ang puso ay nakau­unawa.