Rufa Mae, co-prod ng Apat Dapat

Absent si Candy Pa­ngilinan sa celebrity premiere ng Apat Da­pat, Dapat Apat noong Lunes dahil nasa Ca­nada siya. Magkasama sila ni Sharon Cuneta dahil si Candy ang isa sa mga special guest ng megastar.

Hindi totoo na may tampo si Candy sa Viva Films dahil hindi ma­ganda ang billing ng kanyang pangalan sa mga poster at billboard ng pelikula nila nina Rufa Mae Quinto, Pok­wang at Eugene Do­mingo.

True na na-hurt si Candy pero matutuwa ito kapag nalaman niya na naaliw ang mga tao sa kanyang mga eksena sa pelikula.

Ngayon ang showing sa mga sinehan ng Apat Dapat, Dapat Apat. Co-producer ng pelikula si Rufa Mae na nanana­langin na maging box-office hit ang unang proj­ect ng kanyang prod­uction outfit.

Ang balita ko, nag­labas ng ten million pesos (P10M) si Rufa Mae dahil ‘yon ang share niya bilang co-producer ng pelikula. Ganyan ka-rich si Rufa Mae!

* * *

May nagkuwento sa akin na napa-“Uyyy” ang mga tao nang lapitan at i-beso ni Rufa Mae Quinto sa premiere night ng Apat Dapat, Dapat Apat ang kan­yang ex-boyfriend na si Erik Santos.

Nagtataka lang ang aking spy dahil mas marami ang artista ng ABS-CBN na dumalo sa  celebrity premiere kesa mga artista ng GMA 7.

Hindi nakapagtataka ‘yon dahil identified sa ABS-CBN ang direktor na si Wenn Deramas.

Tumulong si Wenn sa pag-iimbita ng mga artista para maging successful ang premiere night ng kanyang ba­gong pelikula.

* * *

Kumalat kahapon ang balita na nag­kasa­pakan daw sina Bian­ca King at Marian Rivera sa taping ng Mari­mar.

Ayaw paniwa­laan ng mga baklita ang balita dahil magka­sama ang dalawa sa Marimar. Baka raw publi­city lamang ‘yon para ma­pag-usapan ang kanilang TV se­ries.

Totoo raw na nagka­roon ng fight scene ang dalawa at na-hurt si Bianca dahil napalakas ang sampal sa kanya ni Marian na agad na nag-sorry kaya para sa mga baklita, hindi dapat palakihin ang isyu.

* * *

Sunud-sunod yata ang mga pagsubok kay Kristine Hermosa pero pinakamatindi ang bina­tilyo na namatay dahil nabangga ng kanyang sasakyan.

Siguradong trauma­tic para kay Kristine ang nangyari. Traumatic da­hil lulan siya ng kanyang sasakyan nang maga­nap ang aksidente.

Mas matindi pa ito sa balita na may iba nang girlfriend ang kanyang asawang si Diether Ocampo at sa tsismis na inirap-irapan niya si Marian Rivera sa shooting ng kani­lang TV com­mer­­cial.

Hindi tuloy na-enjoy ni Kristine ang pilot telecast noong Lunes ng Prinsesa ng Ban­ye­ra.

Nama­tay ang bik­tima na na­bangga ng sasak­yan  ni Kristine kaya ma­tagal-tagal pa ang ita­takbo ng kaso.

* * *

Walang nakikisim­patiya kay Criselda Volks sa pagtatangka nitong tapusin ang sa­riling buhay.

Imbes na kaawaan si Criselda, kinaiim­byer­nahan pa siya ng mga tao dahil sa kan­yang suicide attempt.

Kailangan ni Criselda na kumunsulta sa isang psychia­trist or whatever dahil tiyak na emotio­nally at mentally dis­turbed siya.

Walang taong ma­tino ang utak ang ma­kakaisip na magpa­kamatay. Professional at medical help ang kailangan ni Criselda para maging matapang siya sa pagharap sa mga problema.

It’s a must na mag­dasal o magbalik-loob sa Diyos si Criselda para makita niya ang tamang daan. Huwag niyang sayangin ang kanyang buhay dahil mas marami ang bilang ng mga taong mas matindi ang problema o may mabigat na karam­daman pero nagpipilit na mabuhay!