Relasyong Luis ug Angel, nagkalami

Saba pa sa dugdog ang balita nga duna na gyuy relasyon sila si Angel Locsin ug Luis Manzano, pero never nga makabati ka og pamahayag gikan sa duruha.

Una niini, dihang gipangutana si Angel sa PangMasa kun nanguyab ba niya si Luis, tubag lamang niya, “ewan ko ba du’n”.

Si Luis pud sa iyang bahin sukad maintriga nga gigamit lamang si Angel aron mahisgutan siya, nagdumili na pagluwat og pamahayag tungod kay matud pa niya dili na siya buot nga pasanginlan na pud og dili mao.

Pero kun tinuod ni, mura og nagrigodon lamang sila—si Oyo ug Angel uyab kaniadto, si Oyo nalambigit ni Anne Curtis nga giingon  ka-MU pud ni Luis.

Kung kahinumduman, nabalita na dinhi sa Banat Hugyaw nga gipaila na ni Angel si Luis ngadto sa iyang “nanay-nanayan” nga si Ali Sotto, busa posibli nga seryoso na gyud silang duruha sa ilang ‘relasyon.”