Unom ka PBB celebrity housemates giila

Gihimakak ni Arnell Ignacio ang mga taho nga usa siya sa musulod sa Bahay ni Kuya sa pagbukas sa “Pinoy Big Brother Celebrity Edition 2” sa October 15. 

Matud niya ngadto sa PangMasa, dili kini tinuod, dili siya buot nga talikdan na gyud ni Ms. Wilma Galvante, SVP for TV sa GMA, kung musulod siya sa ‘Bahay ni Kuya.

Kahinumduman nga gikan sa Kapuso network si Arnell; milayat siya paingon sa nataran sa Kapamilya. Walay positibo nga resulta ang mao niyang lakang busa mibalik siya  sa GMA-7.

Samtang gikatahong lakip sa umaabot nga housemates sa PBB Celebrity 2 mao sila si  Baron Geisler  ug Megan Young sa Star Magic, Yayo Aguila, Ethel Booba, Will Devaugnh of  Studio 23, ug Mcoy Fundales sa bandang Orange and Lemons.

Nagpadayon pa ang pag-interview nila ni direk Lauren Dyogi sa mga possible housemates.