Higugmaa ang Oi Darlings

Halloo mga Kabischika! Aduna koy bag-ong ipaila-ila ninyo.  Ang labing unang all girl group dinhi sa Sugbu nga namugna pinaagi sa inyong show Oi! Show Nato Ni! Sila ang gitawag nato og Oi Darlings——ang inyong bag-ong atangan matag Domingo nga sure ko nga makapainit sa inyong kabuntagon.

Usa ka grupo nga mga matahom gilangkuban nilang Cheska, 18, Diva, 18, Eselle,19 and Jem 20.  Ang ilang talento sa pagkanta nakaplagan dihang ang GMA nagpahigayon og audition sa miaging buwan para sa pagsuporta sa Oi! Show Nato Ni! para sa Cebuano talents. ”Nakit-an namo ang ilang potential ug naka-decide ang Oi! production team nga magporma og girl group nga mopakita og female empowerment,” bischika ni Davis Abella, director sa Oi!

Pero ngano kana man ang namugna nga pangan nila?  ”Kay basta makadungog ta og darling, ang mosud sa atong huna-huna mao ang gugma, ug kitang mga bisaya hilig gyud ta og tawag sa atong mga pinangga og darling, ug kini nagpasabot og gugma o duol sa imong kasingkasing, mao nga Oi! Darlings!,” dugang ni direk Davis.

Dili lang nila kantahon ang inyong mga paboritong kanta pero take note with matching dance pud sila as part of their production numbers matag Domingo. “Tungod kay lahi-lahi ang ilang musical influences, very wide ang ilang kantahon matag semana . . . it’s gonna be exciting because they have different voice qualities and style,” paambit pud ni Ms. Jennylou Santos, mentor sa grupo.  

Sa suporta nga ihatag sa mga Cebuano, sure ko nga ang Oi Darlings dugang na pud nga Cebuano talents nga atong mapasigarbo.   Apil sila karon sa Oi! Show Nato Ni! kung diin di mi mohunong sa pag-discover og mga Cebuano talents.

Unsa kaha ang gibati sa Oi Darlings?  “Para namo it’s a dream come true nga malingaw namo ang mga suki sa Oi! ug hilabi na sa Kapusong Cebuanos,” chorus nga tubag sa Oi! Darlings.

“Oi is basically widening its pole of talents kay para man gyud ni nila ang show, mao nga gitawag kini og Show Nato Ni!,” tin-aw usab ni Madam Lily Yap, Executive Producer sa Oi!

Mga Kabischika atangi kay mas daghan pa ang inyong makit-an nga mga bag-ong nawong nga mas mo-swak sa imong panglasa matag Domingo  10:45 sa buntag sa inyong show —— Oi! Show Nato

Ni! sa dili pa mag SOP.