Tattoo, simbulo ng pagmamahalan ngayon

Laman ng mga pa­hayagan ngayon si Nora Aunor, nagbu­bunyi ang mga Nora­nian, dahil ibinasura na ang kaso ng drogang kinasangkutan niya sa Amerika. Ma­gandang balita ito para sa Su­perstar, burado na ang kanyang kaso sa Ame­rika, ang ibig sa­bihi’y ligtas na siya sa pag­kakulong.

Matagal na pana­hon ding binagabag ng ka­song ito ang kapa­milya ng aktres, wala ring patlang ang pag­darasal ng kanyang mga taga­hanga na sana’y malig­tasan niya ang pagsubok na ito at dininig naman ng langit ang kanilang mga da­sal.

Marso nung 2005 nang mahuli sa Los Angeles Airport si Nora Aunor na may dala-dalang shabu at pipa sa kanyang bag, para ma­pagaan ang kan­yang kaso ay nagbigay siya ng guilty plead nung naka­raang taon, at sa loob nang 18 bu­wan ay re­gular siyang nagre-re­port sa kan­yang proba­tion officer kasabay ang pagkum­pleto sa apatna­pung beses ng drug test.

Ngayon ay nakaba­sura na ang kanyang kaso, no more record on file, dismissed na yun dahil sumunod na­man siya sa mga iti­nalaga ng batas sa Amerika.

Bilang mga kapwa Pilipino, masaya tayo sa kinahinatnan ng kaso ni Nora Aunor, tanggapin natin ang katotohanan na anu­man ang mang­yari ay isa pa rin siyang super­star, maraming buhay ang maapek­tuhan kung ma­kukulong siya.

Bahagi na ng buhay ng mga Pinoy si Nora, mga batang kapanga­nganak pa lang ang hindi nakakakilala sa kanya, kaya ang pag­kaligtas niya sa isang sigura­dong indulto sa ibang bansa ay natural lang na ikina­liligaya natin.

Pero tama rin ang emosyon ng marami nating kababayan, ka­sama na ang kolum­nistang ito, na ang paki­kipaglaban ni Nora sa problemang ito ay nag­sisimula pa lang at hindi pa natatapos.

Lagi nating tatan­daan na kaya siya nag-plead ng guilty nung naka­raang taon ay dahil isang kompromiso yun para mapagaan ang kanyang kaso.

Hindi kami nanini­wala na kaya nagbigay ng ganung testimonya si Nora ay dahil sa gusto lang niyang pa­babawin ang kanyang pagdurusa, kundi dahil totoong gi­nawa niya ang ibinibin­tang sa kanya, sa ga­nung po­sisyon ay alam na natin kung ano ang totoo tungkol sa kaga­napan.

Hindi na namin ka­ilangan pang detal­yehin ang mga kwento, pero ang istorya na­man ng pagdodroga ay parang ikalawang balat na ni Nora Aunor kung pa­anong kapag bi­nanggit mo ang panga­lan ni Nora ay kabuntot na nun ang salitang casino.

Pero ang bawat tao ay binibigyan natin ng kalayaang mapatuna­yan sa kanyang sarili at sa mundo ang kanyang pag­ babago, nawa’y mag­silbing leksyon na kay Nora ang pinagdu­sahan niyang kaso sa Amerika, harinawang wala nang sumunod pa ulit dito.

* * *

Ipinabura na ni Kon­ sehal Aiko Melen­dez ang tattoo ng pangalan ni Martin Jickain sa kanyang katawan, kung mata­tan­daan, nung na­ka­raang linggo ay una nang nagpabura ng tattoo si Martin, isang disenyo ng Yin-Yang ang ipinapatong nito sa pangalan ng aktres-pulitiko.

Bulaklak naman ang ipinatong ni Aiko sa pangalan ni Martin isang sensyal ito na pinani­nindigan ni Aiko ang kanyang sinabi sa The Buzz na “it’s over,” tinul­dukan na nga niya ang kanilang relasyon.

Hindi na uso ang sing­sing ngayon bilang tanda ng pagmamaha­lan, tattoo na ang uso, hindi nga ba’t yun din ang naging paraan ng sumpaan nina Jake Cuenca at Roxanne Guinoo?

Ang piniling disenyo ni Aiko bilang pangta­kip sa pangalan ni Mar­tin ay bulaklak, maka­hu­lugan yun, ang bu­laklak ay sumisimbolo sa babae na kaila­ngang iniingatan at minamahal at hindi sinasaktan.

Sabi nga sa isang pelikula, “Ang babae ay parang bulaklak, huwag mo na lang pitasin kung sisirain-wawasakin mo lang.”

Isang tattoo artist lang ang gumawa ng kanilang mga tattoo, si Gene Testa siguro’y napapailing na lang ito ngayon dahil sa kinahi­natnan ng pag­ma­maha­lan ng kan­yang mga kliyente.

Ayon sa mga kaki­lala namin ay mas ma­hirap magpabura ng tattoo kesa sa magpa­lagay at kahit anong pagbura ang gawin ay meron pa ring natiti­rang alaala yun, may maki­ kita ka pa ring pilat ng nakaraan.