Gov. Vi, hinahanapan na ng milagro!

Hanggang ngayon ay ayaw pa ring tan­ta­nan ng kanyang mga ka­­laban sa pulitika si Go­vernor Vilma San­tos, tapos na ang elek­siyon, pero parang nga­yon pa lang umiinit ang klima ng pulitika sa Batangas.

Ngayong Oktubre pa lang mamarkahan ang ika-100 araw ng aktres-pulitiko bilang gober­na­dor ng kanyang lala­wi­­gan, pero nagha­ha­nap na ng milagro ang kan­yang mga kriti­ko, para bang sa loob lang nang magdamag ay pagmi­mi­lagruhan na ni Governor Vilma ang kanyang mga kaba­bayan.

Ang mainit na bin­tang na ibinabato sa kan­­­ya ay ang pagiging protektor daw niya ng jue­teng sa Batangas, ’yun daw ang dahilan kung bakit hindi niya ma­sugpo-sugpo ang ilegal na sugal sa kan­yang nasasakupan, ito ang laban na hindi uuru­ngan ng Star For All Sea­sons.

Malinaw ang kan­yang paliwanag, “Hindi ko kayang gawin ito nang mag-isa lang, kai­la­ngan ko ang suporta ng simbahan, ng PNP at ng mismong mga kaba­bayan ko.

“Ginagawa ko ang lahat ng kaya ko, puro para sa kanila ang pina­pangarap kong mang­yari sa aming lalawigan, pero iisang katawan lang naman ako para gam­panan ang hina­hanap nila sa akin.

“Kailan lang ako na­upo bi­lang go­ber­na­­dor, hu­wag na­­man sa­na ni­la akong ha­­napan agad ng mi­lagro, I can’t make miracles over­­night,” paha­yag ng go­bernador ng Batan­gas.

Laga­nap ang jueteng sa buong ban­sa, hu­wag mag­­­ma­linis ang ibang mga pu­liti­ko di­yan, sa la­hat ng pro­bin­siya ay me­­rong jue­teng. Pero ang naka­pag­ta­taka lang ay bakit palaging si Governor Vilma lang ang nakikita ng mga taong walang magawa diyan?

Dahil ba sa artista siyang sikat na sikat ay napakasarap kasi ni­yang pakisakyan? Sana naman ay bigyan ng palugit ng mga taong ’yun ang mga nakalin­yang pangarap ni Go­ver­nor Vilma para sa Ba­­tangas, kahit naman sinong pulitiko ay hindi makagagawa ng milag­ro sa kanilang posisyon nang ganun kabilis, ha­latadong imbento lang ang mga ipinupukol na akusasyon sa kanya ngayon.

Masyadong nasak­tan ni Governor Vilma ang kanyang mga kala­ban, pero kaila­ngang tang­gapin ng mga ito ang katotohanan na ang mamamayan na ng Ba­tangas ang nagdesis­yon para siya ang mau­po sa trono, ang pina­kamatinding ebi­den­siya nun ay ang daan-da­an li­bong kala­ma­ngan niya sa bo­to kon­tra sa kan­yang kala­ban.

Sa halip na bulig­li­gin siya nga­­yon, ang dapat gawin ng mga ka­­la­ban ni­yang nag­ma­ma­linis ay ang ma­ki­pag­tulungan sa kanya, kung talagang pagka­sug­po ng jueteng ang gustong mangyari ng mga taong ’yun ay koo­perasyon nila ang kailangan ng kasaluku­yang gober­nador na sarap na sarap silang bulabugin at ba­tuhin.

*****

Masaya kami sa mu­ling pagkakasundo ni Kris­tine Hermosa at ng kanyang pamilya, saksi kami sa mga naganap sa kanila, nakalulungkot isi­pin na mismong pa­mil­ya niya ay hindi ka­sun­do ng magandang aktres.

Pero tama ang kan­yang sinabi, sa eksak­tong panahon ay maia­ayos din nila ang lahat, tulad ng nangyayari nga­yon na natuluyan na ang hindi nila pagkaka­sundo at sama-sama na naman sila ngayon.

Sa pagkakaalam na­min ay si Diether O­cam­­po ang dahilan ng la­hat, mahal ni Tintin ang aktor, pero mahal din niya ang kanyang pa­milya. Kapag nagka­karoon ng problema ang magkabilang kampo ay natural lang na siya ang naiipit sa gitna.

Aminado si Tintin na medyo magkalayo sila ni Diet ngayon, tem­poraryo lang daw na­man ang kanilang pag­hihiwalay, meron lang silang inaayos na mga ba­gay-bagay na mas ma­­kagaganda sa kani­lang  relasyon.

Huwag naman sa­nang mangyari na dahil meron silang problema ni Diet ay nandun siya ngayon sa kanyang pa­milya, ang gusto naming makita ay kasama na rin ng buong pamilya si Diet sa kanilang pagsasaya, kapag nangyari ’yun ay si Tintin na siguro ang ma­giging pinaka­mali­gayang babae sa balat ng lupa.

Napakahirap kasi ng kanyang sitwasyon, hin­di niya maaaring kali­mu­tan at talikuran ang kan­yang pamilya nang dahil lang sa pag-ibig pero hindi rin niya ma­ka­ka­yang isakripisyo ang kan­yang puso, dahil ’yun ang nagsisilbing inspirasyon niya.