Dating actor, alaga ng Yakuza sa Japan

Naniniwala kami na may ka­rapatan ang isang artistang kagaya ni Dennis Trillo na huwag aminin sa pub­liko kung siya man ay may anak na o wala. Bagama’t marami na ang naggigiit noon pa man na siya nga ang nakabuntis sa kanyang girlfriend na si Carlene Aguilar na kapapa­nganak pa lamang sa Amerika, noong mag-deny siya at mag-deny din naman ang girl­friend niya ay kara­patan nila iyon.

Lalong karapatan ng isang ina kung sa­sabihin niyang hindi ma­halaga kung sino man ang ama ng kan­yang anak. Sa ilalim ng umiiral na batas sa ating bansa, ang isang bata na isinilang na hindi kasal ang mga magu­lang ay nana­natiling anak la­mang ng kan­yang ina, mali­ban kung akuin ng ama na siya nga ang tatay ng bata. Sa kaso ng ba­tang sinasabing anak ni Dennis, ibang batas pa ang naka­kasaklaw dahil ipina­nganak ito sa US.

Katunayan, ang bata ay maaari pa ngang maituring na isang American citizen dahil doon siya sa US ipinanganak. Ang prin­sipyong sinusunod ng US sa citizenship ay “jus soli” -  ibig sabihin, basta doon ka ipina­nganak ay Kano ka. Dito naman sa Pilipi­nas, ang sinusunod ay “jus sanguinis” ibig sabihin, saan ka man ipinanganak ang ma­susunod ay ang citi­zenship ng mga ma­gulang mo.

Sinasabi nila, aami­nin naman daw ni Den­nis na siya nga ang ama ng batang yon dahil nabulgar na rin lang na ang apelyido noon ay Ho, na siyang tunay na apelyido ni Dennis. Pero kung nag­kaila man siya noong una, karapatan niya nga yon at hindi naman tamang sabi­hing sinungaling siya. Maaaring ginawa la­mang niya yon para bigyan ng proteksiyon ang kanyang career.

Alam naman ninyo rito sa atin, hindi basta natatanggap na ang isang artistang lalaki ay tatay na pala talaga.

* * *

May mga observers na nagsasabi sa amin, ang talaga raw dahi­lan kung bakit inaalat at hindi maka-abante sa ratings ang Chan­nel 2 ay dahil sa iyon at iyon din ang mga artistang binibigyan nila ng proj­ects dahil ang mga iyon ay naka­tali sa kanila sa isang kontrata. In turn, naka­tali rin naman sila sa kontrata ng mga artis­tang madalas na­ting mapanood.

Ngayon na nga lang matatawa ka sa mga kumakalat na kuwento. Si Diether Ocampo daw ang ma­giging leading man ni Clau­dine Barretto sa kan­yang pagbabalik.

Goodbye Claudine.  Si Piolo Pascual na­man daw ang magi­ging leading man ni KC Concepcion sa kan­yang gagawing peli­kula, ayaw man na­ming sabihin pero muk­hang goodbye KC na rin ang mangyayari.

Bakit kasi hindi na lang sila kumuha ng mga artistang baba­gay sa projects at hindi puro na lang iyong mga naka-kon­trata sa kanila na malabo naman ang batak sa tao.

* * *

Ang totoo pala, over staying na sa Japan ang isang male star na Pinoy na nagtatra­baho roon noon pa man bilang isang hos­to. Kaya lang daw iyon nakakapag­ tagal doon ay dahil alaga siya ng isang bading na ma­lakas din sa isang sin­dikato. Hawak pala siya ng Yakuza kaya malakas ang loob niya.

Kung sabagay, ma­rami rin ang nagsa­sabing ok lang siguro iyon kung hindi man siya makauwi, tutal dito naman wala na rin siyang career.