Sa’n galing ang yaman ni Ara?

Tumututol ang aming utak sa pani­niwala nang maka­rating sa amin ang isang kwentong nag-uugnay sa isang magaling na aktres at sa kanyang asawa na kilala rin sa larangang ginaga­lawan nito.

Hirap na hirap daw kasi sa pananalapi nga­yon ang aktres da­hil namumulsikot (read: hindi nagbibigay, ma­ramot) ang kanyang asawang napakaya­man pa naman kung tutuusin.

Gusto raw mag-abot kahit paano ng aktres sa kanyang mga magulang, pero hindi niya yun magawa, dahil wala siyang pag­ku­ ku­nan. Walang ga­anong proyekto nga­yon ang aktres, mula nung mag-asawa siya ay namimili na ng papel ang kan­yang es­tado, kaya wala rin siyang sa­riling perang ma­aring mahugot ka­pag may gusto siyang big­yan.

Naiintindihan na­man ng pamilya ng aktres ang kan­yang kalagayan, ma­tagal na palang alam ng mga ito na na­mumulsikot ang lalaki, kaya lang ay palagi itong pinag­tatakpan ng babae.

Milyonaryo ang la­laki, napakala­wak ng mga ari-arian ng pa­milya nito sa isang ma­layong probinsiya, pero ng maghulog daw ng ka­kuriputan ang langit ay gising na gi­sing ang lalaki kaya nasam­bot nito pati ang kara­mu­tang dapat ma­punta sa ibang tao.

Sabi ng aming im­pormante, “Dati, kapag may bagong labas na branded bags, meron agad siya. Pero nga­yon, ilang brands na ang naglalabasan, lu­mulunok na lang ang aktres dahil wala siyang pambili,” sabi nito.

Parang ayaw na­ming paniwalaan ang kwento dahil ayon sa aktres ay hindi naman kuripot ang kanyang mister kundi marunong lang itong humawak at magpahalaga sa pera. Sabi pa rin ng aming source, “Look at her sister, nagagawa niya ang gusto niya, nabibili niya ang bawat ma­gustuhan niya, dahil meron siyang sariling pera!”

* * *

Isang kaibigan ni Many Pacquiao ang tumawag sa amin para magpaliwanag tungkol sa isyung kumakalat na siya ang nagregalo ng bagong sasakyan kay Ara Mina at si Pacman din ang itinu­turong ka­ban ng ya­man na pi­nagkukunan ng pera ng aktres sa pagpapa­gawa nito ng bahay.

Ayon sa aming ka­usap ay labas si Manny sa kung anumang ipi­nagagawang bahay ngayon ng aktres, to­toong bilang magka­pareha sa pelikula ay niregaluhan daw ito ni Pacman ng ilang kaga­mitan, pero hindi na­man yun sasakyan at lalong hindi bahay.

“Nakakahiya kay Ara, baka isipin pa niya na sa kampo ni Manny nanggagaling ang mga ganung kwento,” sabi ng kaibigan ng boksi­ngero.

Sumang-ayon kami sa sinabi nito, hindi naman talaga parehas na sabihing kay Manny galing ang bahay na ipinatatayo ngayon ni Ara, yung sasakyang sinasabing regalo ng People’s Champion sa aktres ay matagal na nitong pag-aari.

Nagtataka kasi ang marami kung saan nanggagaling ang pera ni Ara, hindi raw naman kumikita ang negosyo nitong restaurant at wala naman itong mga proyekto ngayon, kaya saan kaya nanggaga­ling ang pera ni Ara?

Sa tagal na ng pa­nahong nag-aartista si Ara ay imposible na­man wala itong naipon, oo nga’t mahilig din sa kung ano ang uso ang dalaga, kahit paano naman siguro’y naka­pagtabi ito mula sa kanyang kinikita noon.

Unfair namang ituro si Manny sa pinag­kunan nito ng perang ipinagpapagawa ng kanyang bahay, sa pagkakaalam namin ay maraming property ang ibinenta ni Ara, yun ang ipinang-iikot nito nga­yon sa kanyang mga gastusin.

* * *

Isang source na­man ang nagbulong sa amin na hindi dapat si Manny Pacquiao ang iturong dahilan ng ya­man ni Ara, isang malaking tao raw ang pinagmumulan nun, kilalang-kilala na sa lipunan ang nasa­bing personalidad ay literal pa itong malaki.

Ganun? Kaya ba madalas na merong mga nagmimiting na kilalang tao sa kan­yang restaurant sa Tomas Morato, ibig bang sa­bihi’y dun nag­kikita palagi si Ara at ang taong tinutukoy ng mga may alam sa kwento, ganun nga ba yun?