Bakit naghintay ng siyam na taon si Pops bago siya nagsalita tungkol sa paghihiwalay nila ni Martin?

Palaging may replay sa Cinema One ang 30th Gawad Urian. Siguro naman, magkakaroon din ng replay sa Cinema One ang television special ni KC Concepcion na marami ang hindi na­kapanood dahil ga­bing-gabi na ito nang mag-umpisa noong Linggo.

Kabilang ako sa lis­tahan ng mga nanghi­hinayang dahil maaga akong natutulog kaya hindi ko napanood ang TV special ni KC.

Puro positive ang kuwento na naririnig ko mula sa mga tao na nagpuyat sa panonood ng From Paris to Pinas.

Puring-puri nila si KC na nagmumura raw ang star quality. Lalo akong naintriga na mapanood ang replay ng TV special. Sa dami ng nagre-request sa ABS-CBN, imposib­leng hindi nila pagbig­yan ang kahilingan ng televiewers!

* * *

Pinag-uusapan ang mga rebelasyon ni Pops Fernandez tung­kol sa mga tunay na da­hilan ng paghihi­walay nila ni Martin Nievera.

May mga nagta­tanong naman kung bakit daw nagsalita si Pops after nine years?

Publicity ba raw ‘yon para sa kanyang concert sa December 8? Kung publicity daw ‘yon, parang napa­kaaga dahil September pa lang. Baka raw hindi na pag-usapan si Pops kapag malapit na ang petsa ng kanyang concert.

Affected ang fans ni Martin sa mga ipi­nagtapat ni Pops. Sirang-sira raw si Martin dahil siya ang lu­mabas na masama at kung sasagutin niya ang mga sinabi ni Pops, siya pa rin ang magmumukhang un­gentleman dahil sa kulturang Pinoy, pangit sa isang lalaki ang nakikipag-away sa babae.

Huwag na raw umasa si Pops na papayag si Martin na mag-guest sa kanyang concert dahil nasaktan ng husto ang kanyang ex-husband.

Nabasa ko na ang mahabang interview kay Pops sa YES magazine. Nakaka­loka talaga ang kan­yang mga ikinuwento dahil parang mas mabuti pa na tinawag na lamang niya na monkey si Martin.

* * *

Malapit nang mag-goodbye sa TV ang Mga Mata ni Anghe­lita dahil three taping days na lang ang bu­bunuin ng cast.

Ang Kamandag ang ipapalit sa timeslot ng Mga Mata ni Ang­helita pero ngayon pa lang yata mag-uum­pisa ang taping ng ba­gong primetime TV series ni Richard Gu­tierrez.

Nalulungkot ang mga artista ng Mga Mata ni Anghelita dahil mami-miss nila ang isa’t isa pero ma­saya sila dahil  mag­papaalam sa ere ang kanilang show na ma­taas pa  rin ang rating.

Habang patapos ang Mga Mata ni Ang­helita, nag-umpisa na ang Lastikman ng ABS-CBN.

Kasali si Tonton Gutierrez sa Lastik­man pero tapos na ang kanyang taping nang dumating ang offer para makasama siya sa cast ng  Mga Mata ni Anghelita. Napatu­nayan ni Tonton na puwede pala na ma­ging Kapuso at Kapa­milya. Why not di ba?

* * *

So, Ho pala ang apelyido ng mhin na nakabuntis kay Car­lene Aguilar base na rin sa name tag na inilagay sa wrist ng kanyang baby boy.

Mabilis na kumalat ang balita na nanganak na ang dating beauty queen na hindi sana mabubuking na buntis at nagtago sa LA kung hindi siya nakita doon ng isang TV reporter.

Sosyal ang baby boy ni Carlene dahil instant US citizen siya. Sabihin na kaya ni  Carlene sa mga tao ang tunay na identity ng tatay ng kanyang anak?

Masama na idine-deny ang isang ino­senteng bata ‘huh!  Kahit wala pa siyang isip, nararamdaman niya kung unwanted child siya ng kanyang mystery father. Mystery father daw o!