Ga emotional  si Agaw

Na-schedule na nako ang meeting namo ni Wendy Mendoza sa Monday, September 10 kauban sila’s Mar Abatayo ug Christian Tariman pag-text ni April May Tudtud Ramos nga duna sad kono siya’y invitation nga gipadala diri sa office para sa usa ka lunchtime presscon sa 21st level sa Club Ultima diha sa duol sa Robinson’s sa Jones Avenue, para sa ilang gitawag og Sangkap Pinoy. Wa kaayo ko makasabot unsay Sangkap Pinoy, pero gisaaran nako’s April nga motambong ko, before sa among meeting ni Wendy, pero ikuyog na lang nako si Christina, total anak man sad siyang Pepe Tariman nga director namo, nga dili makatambong sa presscon, kay duna say gi-shooting nga laing project alang sa usa ka grupo sa laing relihiyon nga mga foreigners. Ang meeting namo ni Wendy may kalabutan sa umaabot niyang birthday, nga adto una sa usa ka orphanage diha sa Tejada sa Guadalupe, ug sa pasko na lang ang feeding diha sa Parian Drop-in Center, kay may naghangyo kono didto sa orphanage nga nakadungog sa among feeding program ug kalingawang idalit nga duna pay mga gift items nga idalit si Mar Abatayo.

Sa presscon sa Sangkap Pinoy, gipasabot diay ni Mr. Condrado L. Espinosa, ang presidente ug General Manager sa Alternative Foods Manufacturing Corporation, nga ang ilang produkto, nga mga juice (Drew Orange, Drew Apple, Drew Grapes, Drew Strawberry, ug Drew Ice Tea), aprobado na sa BFAD, busa magmahay siya kanunay sa gitawag og mga unscrupulous nga mga psuedo-negosyante nga nanghimo og mga fake products, unya gamiton ang ilang sudlanan, kay kini konong mga tawhana, wa pay lisensiya ang ilang mga produkto nga mga fake, wa pa gyo’y lami, ug peligro pa’s kalawasan kay dili man klaro ang mga sagol, unya mas mahal pa kay sa ilang produkto kon hunahunaon. Medyo nag-emotional na sad siya pagsulti niyang kitang mga Cebuano ganahan gyo’g mga fake mao nga, perming alkanse. Mas daghan konong gustong mo-franchise sa ilang produkto didto’s Luzon kay  sa dinhi’s Cebu, kay dinhi, gusto lang  mo-imitate ang mga Cebuano. Nagtawganay mi’s Mr. Condrado Espinosa og agaw bisa’g wa namo ma-trace ang among roots, tungod sa Espinosa, ug matud niya, makigtagbo siya nako’g usab, para ma-trace ang among roots, ug aron sad kono siya makatabang sa akong mga projects, ma-take nimo kana, Manash? Pagbantay Gaw, kay hapit na sad mi mag-celebrate sa anniversary sa among salida, sulngon ta gyod ka diha’s imong opisina sa Nichol’s sa Guadalupe.