Parokya, Kamikazee, ratsada sa US!

Tuwang-tuwa ang Parokya ni Edgar sa ma­laking tagumpay ng kanilang first major con­cert na tinanghal sa Folk Arts Theater kama­kailan.

Ilang araw lang pag­katapos ng palabas na tinampok din ang Kami­ka­zee, Sponge Cola at iba pang banda, lumi­pad nang papuntang Amerika ang Parokya at Kamikazee.

Noong September 15, sa Slimac’s ng San Fernando ang kanilang sell-out concert. Sinun­dan ito ng isa pang S.R.O. event sa Epicen­tre ng San Diego, Cali­fornia.

Kahapon, Septem­ber 22, sa El Rey Thea­ter ng Los Angeles, Cali­fornia ang live concert ng Parokya ni Edgar at Kamikazee.

Ngayong Linggo na­sa Las Vegas (Che­yen­ne Saloon) ang tugtog ng dalawang banda. Hindi makakapanood ang kabataan dito dahil 21 and above years old lang ang maaring pu­ma­sok sa venue.

Sa Biyernes, Sep­tem­ber 28, nasa Con­gress Theater ng Chi­cago ang Parokya’t Kamikazee, Lipad na­man sila sa Jersey City para sa kanilang Sep­tember 29 (Sabado) concert sa The Land­mark.

Ang huling palabas na magkasama ang Parokya’t Kamikazee ay sa isang Linggo (September 30), sa State Theater ng Wash­ington D.C.

Pauwi na sa bansa sina Jay Contreras at Kamikazee, saman­talang sina Chi­to Mi­randa naman at ang Parokya ni Ed­gar ay  pupunta pa ng Texas  upang magtanghal sa Stanfford Civic Center sa October 7 (Linggo).

Pagbalik sa bansa ng Parokya sa susunod na buwan, tatapusin nila ang isang bagong album para sa Uni­versal Records.

* * *

Ginanap na ang 2007 DMC  World DJ Championship (Phi­lippine Finals) sa Hard Rock Café, Glorietta.

Isang well-attended af­fair ito ng mga local at foreign personalities at pinanood nila ang exci­ting na contest na may walong finalists mula sa iba’t ibang lugar ng bansa.

Nahirapan ang mga hurado sa pagpili ng nanalo na siyang kaka­tawan sa ating bansa sa 2007 World DJ Cham­pionship sa London, England sa susunod na buwan.

Si DJ Jam Masta ang tinanghal na kam­peon samantalang sina DJ Red-I at DJ Trigga ang mga runners-up.

Kasama sa mga past winners ng annual con­test si DJ MOD na na­nalo din sa London, at isa na ngayong sikat na pro­ducer, composer, recording artist at TV personality.