Pops, sandaling naka-on din si Piolo!

Hindi na naitanggi ni Pops Fernandez at pinatotohanan ang min­san ay sinabi ni Piolo Pas­cual na minsan sa ka­nilang buhay ay nag­karo’n silang dalawa ng ugnayan.

“Nun pa yun pero,  sandali lang,” pag-amin ng mas gumandang concert queen  na mag­ka­karo’n na naman ng isang birthday con­cert sa  Dis­yem­bre 8,sa Ara­neta Coli­se­um,  maka­pang­­galing niya sa  conti­nuation con­cert ng kani­lang Diva se­ries ni Kuh Le­desma sa US.

Pinamagatang Diva-licious, isa rin itong pagdiriwang ng kanyang 25th year sa showbiz. Ka­ya mara­ming guests, Gary V, Kuh Ledes­ma, Billy Craw­ford, JayR at Sha­ron Cuneta.  Wala ang pangalan ni Martin Nievera at ha­bang hindi sila nagka­ka­ayos, hindi niya ito mag­papasyahan. Pero me­rong special number ang kanyang anak na si Ram Nievera.

At para maiba ito sa napakarami na niyang birthday bashes and concerts, gagawin nila ito ni Rowell Santiago, direktor ng show, na isang fashion concert na ang mga magsisilbing modelo ay mga kaibigan niya sa showbiz  at mga kaibigang designers din ang gagawa ng mga da­mit na imomodelo nila. May nag-suggest na magbawas lamang ng tim­bang ang current love niyang si Jomari Yllana at pwede na itong maging isa sa mga modelo. Ngumiti lamang si Pops.

Maaring tumawag sa 9115555 (Ticketnet), at lahat ng SM ticketnet para sa tickets.

* * *

Very proud si Ka­rylle sa kanyang ba­gong business ven­ture ang Centerstage Family KTV and resto-bar na mata­tag­pauan sa 2nd floor ng Central  Build­ing sa Tomas Mo­rato cor., Timog, yung bagong gusali na katapat na katapat ng Imperial Suites ni Mother Lily Monte­verde.

Hindi sarili ni Ka­rylle ang nasabing negosyo, “Hindi ko pa kaya,” aniya, kasosyo niya sina Bobby Gar­cia at ibang partners.

Sosing-sosi ang lugar na merong kai­nan at pwedeng maki­pag­kwentuhan at pag­ka­ta­pos mag-vid­e­oke hang­gang alas sing­ko ng uma­ga.

Merong 20KTV rooms na maaring mag­­­la­man ng 20 guests. Lahat ng kwar­to ay merong  top of the line LCD TV, ma­higit sa 20,000 En­glish, OPM, Korean, Ja­panese at Chinese songs.

Isang music bar at dining area naman ang Circle Café na pwedeng mag­­­laman ng 12-36 people at merong live musical performances simula 9NG. Napa­ka­sasarap ng pagkain dito, tulad ng lamb chops, steaks na tala­gang ipinatikim sa amin ng mga ka­sos­yo ni Karylle. Sina­mahan din niya ka­ming mag-videoke at feeling ko kasama na rin naming kuma­kanta ang mom niya, si Zsa­zsa, dahil tala­­gang magka­bo­ses sila.

* * *

Muli pa­tata­a­sin na naman ni  Ca­mille Prats ang rating ng Show­­­biz Cen­tral dahil sigu­radong aaba­ngan ng mga TV view­ers ang mga late­st news tung­kol sa kanya na tanging sa prog­rama la­mang na ito mala­laman.

Si Polo Ravales daw gustong makipag-balikan kay Sunshine Dizon? Di pa ba huli na? Di ba meron na silang kan­ya-kanyang love­life ni Shine? Sasa­gutin ito ng Showbiz Central.

Kaabang-abang ang pag-upo ni Annabelle Ra­ma sa Hotseat, will she reveal or seal?

At sino naman itong sexy comedienne na nanganganib daw ang buhay matapos bangu­ngutin sa loob ng sa­sak­yan? Sa SC lang mala­laman ngayong hapon.

* * *

veronicasamio@yahoo,com