Pops, galit pa rin kay Martin

Ang dating Miss Uni­verse (1969) turned ac­tress na si Gloria Diaz ang pinakabagong en­dor­ser ng Calayan Sur­gi­center. Siya bale ang pri­me endorser ng pi­na­kabagong treat­ment ng Calayan Surgi­center, ang tenor skin laser at vaser lipo na non-surgi­cal. Na­tu­tuwa si­yempre  ang beauty queen-actress dahil na­kikita niya mismo ang ma­gandang resulta sa kanyang mukha at kata­wan.

Bukod kay Gloria, ilo-launch din bilang en­dorser ng Calayan Sur­gicenter ng mag-asa­wang Drs. Manny at Pie Calayan ang kan­yang pamangkin at ka­sin­tahan ni Richard Gu­­tierrez na si Geor­gina Wilson.

Samantala, ikinu­wen­to ni Gloria na ang kanyang 19-year-old daughter na si Isabel Daza (sa kanyang ex-hus­­band na si Bong Da­za) na umiyak ito ma­tapos mapanood ang pe­li­kula nina Aga Muh­lach, Maricel So­riano at Angelica Pa­nga­ni­ban, ang A Love Story.

Agaw eksena nga raw ito sa loob ng sine­han dahil humihikbi ito ha­bang pinapanood ang pelikula, kasama ang kanyang kaibigang si Liz Uy (gf ni John Lloyd Cruz). Nang bu­mu­kas ang ilaw, hindi raw mai­angat ni Isabel ang kan­yang mukha sa sobrang hiya dahil mug­to ang kanyang mga ma­ta kaya nagpa­huli na silang lumabas ng si­nehan.

Kung si Gloria la­mang ang masusunod, ayaw niyang pasukin ng kanyang anak ang show­biz hangga’t hindi nito natatapos ang kan­yang pag-aaral. Gusto niyang i-prioritize ni Isa­bel ang kanyang pag-aaral. Twenty-five si Gloria nang siya’y mag-artista. 

* * *

Pabalik na ng Pili­pinas si Pops Fernan­dez galing sa kanyang extended one-month con­cert tour with Kuh Le­desma pero isang buwan lamang siyang ma­mamalagi rito at ba­balik siya ng Amerika upang ipagpatuloy ang kani­lang tour ni Kuh.  Ayon kay Pops, itong con­cert tour nila ni Kuh ang kan­yang pinaka­maha­bang tour na aa­butin na ng 30 cities.

At sa kanyang mu­ling pagbabalik sa bu­wan ng November ay ha­harapin naman ni Pops ang paghahanda para sa kanyang major concert sa Araneta Coli­seum on December 7, limang araw bago ang kan­yang birthday. Bu­kod sa ito’y pre-birthday concert niya, magsisilbi rin itong 25th anniver­sary concert niya dahil 25th year na niya ito sa showbiz.

Sa kabila ng pagi­ging abala ni Pops sa con­cert tour laluna sa ibang bansa, nami-miss din niya ang pagka­ka­roon ng regular TV show at paminsan-minsang pag­­gawa ng pelikula.

Pagdating naman sa kanyang lovelife, ami­na­do siyang going strong pa rin ang relas­yon nila ni Jomari Ylla­na pero wa­la raw sa ka­nilang im­me­diate plans ang pag­papakasal.

Sina Pops at Jomari ay pareho nang annul­led sa kanilang first mar­riages - si Pops sa ex-hus­­band nitong si Mar­tin Nievera at si Jomari sa ex-wife nitong si Aiko Melendez.

Nang magkita kami ni Pops sa New Jersey, USA last Aug. 18, sinabi nito na hindi pa umano sila on speaking terms ng kanyang ex-husband na si Martin. Pero hindi na­ man nito sinasarhan ang posibilidad na muli silang magkakasama sa tra­baho lalo na sa con­certs.

* * *

<[email protected]>