Our beloved Nanay Dianne

Before anything else na sad una, ta, mga Manash! Kay mo-plug una ko about sa coming nga 3-day-stay-in, Catholic Life In The Spirit Seminar nga anha gihapon ipahigayon sa Echo Tech Center sa Lahug karong October 12, 13, ug 14 (Friday, Saturday ug Sunday) kini, para sa batch 41 so ang batch 40 nga mi-graduate atong June, maoy main serving batch,pero dili na maoy buot ipasabot nga ang sakop sa council of elders like sisters Letty Canoy, Nancy Mirafuentes (condolence diay sa demise sa iyang loving husband, Yoyoy nga usa sa labing sikat nga entertainer during his time), Annie Alo, Tita Oliva, ug brothers Nilo Oliva (familiar ang name?), Arthur Go, Bobby Knight Inoferio ug uban pa, lakip na ang mga gitawag og mga regular auxiliaries ug mga sakop sa Ministry on General Service (MGS), dili moabag nila. Permanente na sila, ug naa na sila pirme, hasta ang chief sa MGS, ang gwapo kaayong si Andrei Badayos, ug ang mga assistants sa head servant sama nilang brod Jimmy ug brod Allan Abelgas, ug siyempre, naa pa jud ang mga sakop sa Dancing Ministry nga sila si Loay (Bohol) Mayor May Lim Imboy, Eva Manulat (oy. condolence pod diay sa pagtaliwan sa iyang dad nga si brod Benjamin), Aida Yaun ug Luz Yu, ug ang mga sakop sa Singing Ministry, ug siyempre, dili mawagtang sila si tatay Nonito “Dodong” Lim Chua ug Nanay Dianne Lim Chua nga maoy mga head servants ug nag-ugmad sa Oasis Of Love dinhi sa Sugbu.

Sa miaging Domingo, Agosto 12, nagsaulog ang Oasis Of Love sa Cebu sa iyang ika 12 nga tuig sa pagkaugmad niini, ug may gihimong Sportsfest nga giapilan sa mga pila na ka libong mga sakop sa maong community nga ang mga duwa, gitawag og DULANG PINOY, kay mga duwa ra man sa karaang panahon ang giduwa sama sa takyan, bato -- lata, sungka, skipping rope, tubig tubig ug uban pa. Gitambongan kini nilang Ricardo Cardinal Vidal ug Cebu City Vice Mayor Michael Rama nga mihatag sa ilang mga mensahe ug suporta. Miingon si vice mayor nga nanghinaot siyang everlasting ang Oasis of Love kay migiya na kini sa daghang nahisalaag ngadto sa dalan nga matarong, bisan sa giatubang nga mga kontrobersiya. Ang pinangga namong Nanay Dianne Lim Chua nga maoy “financer’ sa  among  mga programa nagpasalamat sa tanang mga sakop sa ilang way kinutubang kooperasyon. Mga pahalipay sa mga mananaug, Blue Team (pinangulohan nilang Dr. Camacho ug Sis. Tita Oliva), nga maoy nangharos sa mga duwa, gisundan sa Green Team, Yellow Team ug Red Team.