Ang bagong baby ni Ipe

Nagmistulang kasa­ma ng mga entert­ain­ment writers na dumayo sa Davao City last week­end para sa Kapuso Day sa 2007 Kadaya­wan Festival si Phillip Salvador dahil mas marami pa siyang ibina­lita sa mga ito nang mag­kita sila sa lunch sa isang seafood restau­rant doon.

Nagka­gu­latan nga sila nang pag­labas ni Ipe sa elevator ng Mar­co Polo Hotel, nasa lobby naman ang mga entertainment press. Biniro si Ipe na aka­la nila ay may madi-dis­cover silang ibang ka­sama nito, hindi raw, guest daw lamang siya ni Davao City Mayor Rodrigo Duterte.

Ikinagulat ng mga press, nang ipakita ni Ipe sa dalawa niyang cellphone ang MMS pic ng anak daw niyang si Pics (Phillip Israel Chris­tian Salvador) na nag-one year old na last Tuesday, August 21, kasabay din ng kanyang birthday. 

Hindi kasi na­ba­litang naging preggy ang wife niyang si Em­ma. But in fairness, ayaw lamang i-send ni Ipe ang picture ni Pics para ma-pub­lish, ka­muk­hang-ka­muk­­ha ni Papang (Lou Salvador Sr.), his dad, ang bata.

Naghihintay na raw lamang siya ng tawag para sa pagsisimula ng taping nila ng book 2 ng Maging Sino Ka Man sa October.

* * *

Kuwento ni Krystal Reyes na hindi na ang tunay niyang pangalan na Jolina ang tawag ng mga classmates niya sa school nila sa Grace Christian Academy sa San Jose del Monte, Bulacan, kundi ‘Ang­helita’ na, ang character na ginagampanan niya sa Mga Mata ni Ang­helita ng GMA-7. 

Wala naman palang problema kay Krystal iyong mga eksenang pinahihirapan siya, tulad ngayon na pu­masok na ang cha­rac­ter ni Madam (Ar­nel Ignacio) na huma­nga sa husay niya sa pagga­nap, dahil ala­lay daw la­mang naman ang kun­wari’y pinahihi­rapan siya.

Napapanood na rin sa teledrama ang ba­gong tagapagtanggol ni Anghelita, si Ian Vene­racion as Tiklawin (tik­balang) at ng Star­Struck 4 Ultimate Sweet­­heart na si Jewel Mische at runner-up Prince Estefan. 

Taga­pagtanggol din kaya sila ni Anghelita tulad ni Gabriel (Marvin Agus­tin), matapos na maging aswang ang isa pa niyang tagapag­tanggol na si Abel (Mark Herras)?