Hunk actor, open for bookings sa kahit kanino, kahit anong edad, basta may pera!

Hanggang ngayon ay may mga isyu pa ring lumalabas laban kay Angel Locsin, hindi sa ABS-CBN nanggaling ang mga negatibong isyu, alangan naman na ang nilipatan pa niyang network ang sumira sa kanya.

Isang source ang nakausap namin, da­ting nagtatrabaho sa Siete ang taong yun,  sinabi nito na anumang luma­labas na press release mula sa network ay nalalaman ng ka­nilang mga ehekutibo.

Naalala tuloy namin ang asuntong isinampa ni Kris Aquino laban sa istasyon, ganun din ang inikutan ng mga rekla­mo ng actress-TV host, alam ng mga ehekutibo ng network ang mga inilalabas na release ng kanilang mga tauhan sa PR department.

Pero iba naman ang nagaganap sa sitwas­yon ni Angel ngayon, walang inilalabas na press releases, pero meron silang pagkaka­unawaan kung anong bira ang ilalabas nila laban sa batang aktres na lumipat ng bakuran.

Totoong nagaganap ang ganun, pero kapag nagkakabukuhan na ay kani-kanyang hugas-kamay naman sila, wa­lang may gustong uma­min kung kanino nang­galing ang pina­lulutang nilang kwento.

Sana, kung malakas ang loob nilang magpa­lutang ng mga istorya ay meron din silang pani­nin­digan, hindi yung ila­la­gay nila ang mga tao sa gitna ng laban at pagkatapos ay iiwan lang nila.

* * *

Lantaran na talaga ang ginagawang pa­nga­­ngalakal ng isang hunk actor sa kanyang kata­wan. Hindi lang isa o dalawang bugaw ang humahawak ng kan­yang mga bookings ngayon, kahit sino ay puwede nang magha­nap ng kanyang paruk­yano, dahil palaging nangangailangan ng pera ang aktor.

Dati’y gumagawa na ng ganun ang hunk actor, pero dahil meron pa siyang mga project at napapanood pa siya ay medyo simple pa ang kanyang pagnene­gosyo ng laman, hindi pa siya ganun kalan­taran kung  gumawa ng milagro.

Isang hotel sa Ma­ka­ti ang madalas punta­han ng hunk actor, siya ang mauuna run, pag­katapos ay darating na ang makakapareha niya sa “pagsayaw” sa kama.

Hindi namin alam kung bakit palaging nangangailangan ng pera ngayon ang aktor na ito, samantalang sa pagkakaalam namin ay maayos naman ang buhay ng kanyang na­pangasawa, ang press release pa nga nila ay meron silang negosyo.

“Nasanay na kasi siya sa magarbong life­style, akala siguro niya, wala nang kata­pusan ang init niya noon sa publiko, kaya nung lu­ma­mig ang kanyang career, nangarag siya,” sabi ng aming kausap.

Walang pinipili ang hunk actor, pwede sa kan­ya ang mga ba­ding at matrona, wala si­yang pakialam sa edad dahil ang mahalaga pa­ra sa kanya ay kung mag­kano ang kanyang kikitain pag­katapos nang pa­nan­daliang kali­gayahang pagsasalu­han nila.

Merong gay bene­factor ang hunk actor na ito noon, ang bading ang nagsusustento sa kan­yang pamilya, pati nga ang kanilang bahay, kaya ngayon ay open for book­ings na ang hunk actor.

Miyembro ng isang machong grupo ang hunk actor na ito, mainit na mainit siya nun sa mga kolehiyala, pero biglang kumulimlim ang kanyang career nang magkawatak-watak na sila.

* * *

Sa halip na Septem­ber 4 ay sa September 14 na ang paglalabas ng mga komiks ng mga couple na sina Direk Carlo J. Caparas at Tita Donna Villa.

Matagal na naming hinihintay ang  limang titulong ilalabas nila katulong ang Sterling Group of Companies, sabik na kaming mag­basa uli ng komiks na naging malaking bahagi ng aming kabataan, napapanahon na para muling buhayin ang mundo ng komiks na bahagi rin ng kulturang Pinoy.