Aiai, sad dahil purnada ang planong pagbabalik sa GMA-7

Game na game na sinagot ni Zsa Zsa Pa­dilla ang mga personal na tanong sa kanya ng mga reporter sa press­con ng Belo Essentials noong Miyerkules.

 Naloka ang mga ka­usap ni Zsazsa nang sabihin nito na active ang kanyang sexlife. With Mang Dolphy around, why not! Why not daw o!

Ang ganda-ganda ngayon ni Zsazsa kaya nagtataka ako sa sinabi niya na tumaba siya. Kung mataba si Zsazsa, ano pa ang puwedeng itawag sa katawan ko?

Paano sinasabi ni Mang Dolphy na ma­ganda ang kanyang asa­wa? Hindi raw nag­sa­salita ang King of Co­medy dahil idina­daan niya sa tingin ang lahat!

* * *

Marami ang may gusto sa  Belo Es­sen­tials TV ad nina Zsazsa, Re­gine Velasquez at Lucy Torres.

Obvious ba na si Quark Henares ang direktor ng TV commer­cial eh siya ang anak ni Dra. Vicki Belo?

Kung si Quark ang di­rektor, ang kapatid nitong si  Cristalle Belo-Hena­res naman ang in-charge sa pro­duction, marketing at promo ng Belo Essen­tials pro­ducts tulad ng sabon, whitening lotion at kung anik-anik pa.

Dream ni Dra. Belo na makilala ang Pili­pinas bilang bansa ng maga­gandang tao kaya naisip nila ni Cristalle na mag­la­bas ng Belo  products na mabibili sa murang-murang halaga.

* * *

Sinabi ni Aiai delas Alas na  hindi na niya iiwan ang ABS-CBN at nalulungkot siya.

Bakit nalulungkot si Aiai? Sad ba siya dahil hindi na matutuloy ang pagbabalik niya sa GMA 7 o nalulungkot siya dahil wala pa si­yang regular show sa Ka­pamilya network?

Bakit nga ba nag­bago ang isip ni Aiai? Iba kaya ang naging sitwas­yon kung hindi lumabas ang balita na pipirma siya ng kontrata sa GMA 7?

* * *

Ang sipag-sipag ni Bong Revilla sa pagpo-promote ng kan­yang bagong show sa GMA 7, ang Kap’s Amazing Stories.

Gabi nang nag-um­pisa ang live telecast ng Kung Ako Ikaw no­ong Miyerkules pero uma­pir pa rin si Bong para i-promote ang Kap’s Amazing Stories.

Live rin ang guesting kahapon ni Bong at ng  buong pamilya niya sa SIS para pa rin sa pro­mo ng  kanyang Sunday show na mapa­panood pagka­tapos ng Show­biz Central.

Walang pasok ka­hapon sa lahat ng school level sa Metro Manila kaya naka-join nina Bong at Lani sa SIS ang mga bagets.

* * *

Marami ang na­per­wisyo ng trapik noong Miyerkules dahil sa baha at malakas na buhos ng ulan.

Nag-replay ang SIS at ang Boy & Kris dahil hindi nakarating sa stu­dio ang mga host ng pro­grama.

Na-delay din ang taping ng Lupin sa Subic kaya na-tense ang staff dahil  kaila­ngang maku­nan ang mga eksena ng TV se­ries na mag­wawakas mamayang gabi.

Narinig ko ang balita na naaksidente si Eddie Gutierrez sa set ng Pati Ba Pintig ng Puso pero hindi ko pa alam ang buong detalye.

* * *

Noong Miyerkules din ang meeting ni Mother Lily sa mga executive ng Star Ci­nema pero hindi ko alam kung sumipot siya.

Tungkol pa rin sa kontrata ni Angel Loc­sin ang agenda ng meet­ing dahil hindi pa expired ang kontrata niya sa Regal Films pero pumirma na ka­agad siya sa Star Cinema.

Paano kung mag-offer ng co-production venture kay Mother Lily ang Star Cinema?  Let’s wait and see.