Aiai, di tuloy sa Kapuso Network

Umalis kahapon, Lu­nes ang Comedy Con­cert Queen na si Ms. Aiai delas Alas for Ireland kasama si Erik Santos for a series of shows at pagbalik niya sa August 21 ay mag­sasalita na siya kung ano ang buong kato­tohanan sa nasulat na pumirma na siya ng kontrata sa GMA-7.

Base sa nalaman na­min ay inalok pala ang ko­medyana ni Ms. Wilma Galvante ng lumipat na lang sa Ka­puso network since wala na naman siyang kon­trata sa ABS-CBN.

Pumayag naman daw si Ms. A sa na­sabing alok, pero hindi pa siya nagbigay ng final deci­sion dahil mag-iisip pa at higit sa lahat, hindi ito alam ng manager niyang si Boy Abunda.

Sinubukan naming tawagan si Aiai bago siya umalis pero sa­rado ang cellphone at may nag-text sa amin na taga-Siete na, “Pu­munta raw sa GMA si Aiai at kina­usap si Ma’am Wilma, walang pirmahang na­ganap tulad ng napag-usa­pan.”

Samantala, sinu­bu­kan din naming i-text ang assistant ni Boy named Phillip tungkol sa isyu, pero hindi rin kami si­nagot pa.

Anyway, nalaman namin na nag­paalam daw si Aiai kay Ms. Cory Vidanes na lilipat siya sa GMA-7 since wala naman siyang project sa nasabing TV network, pero ang say daw ni Ma’am ay, “Don’t leave us.”

* * *

Itinanggi na raw ng head ng GMA Artist Center na si Ms. Ida Henares na sinabi niyang, “Naniniwala akong si Angel (Locsin) ang nasa sex video dahil kamukha niya.”

Sa exclusive interview ni Angel sa The Buzz last Sunday ay bluntly niyang binanggit ang name ng nasabing lady executive na huwag ipagpilitang siya ang nasa sex video dahil hindi raw niya magagawa at never niyang gagawin at sa mga nagsusulat ay huwag daw siyang babuyin.

Nakakalito lang da­hil base sa lumabas sa internet ay mega-deny si Ms. Ida na wala siyang sinabing si Angel nga ang nasa sex video, in fact, sinabi pa niyang, “Hindi nga ako nanini­wala kasi hindi ko pa napa­panood ang video.”

Taliwas naman sa pahayag ng lady boss sa entertainment press na kabatak niya dahil ang esplika raw sa kanya ni Ms. Ida ay, “Ang sabi ko, kamuk­hang-kamukha ni An­gel ‘yung nasa sex video.”

* * *

Four years ago ay nasa Cagayan de Oro City si Mark Bautista at nag-aaral ng kur­song Fine Arts, pero huminto sa pag-aaral dahil hindi na siya kayang susten­tuhan ng magulang na hindi rin kalakihan ang kinikita sa probinsiya.

Lumuwas ng May­nila ang binata para sumali sa Star For A Night at hindi man na­kuha ang first prize ay masaya na rin si Mark dahil naging contract artist siya ng Viva Ta­lent Agency.

Nakakagulat dahil ilang taon lang ang na­kalipas ay heto na si Mark, marami na palang naipundar sa sarili at sa pamilya niya, nakapag­patayo na siya ng sarili niyang bahay sa Don Jose Heights, Common­wealth Avenue, QC na nagkaroon ng blessings last Thursday, August 10 na isinabay na rin sa 24th birthday ng binata at bukod sa bahay ay bi­nigyan din ng restaurant business ang mommy niya sa probinsiya dahil magaling pala itong magluto at magtatayo pa uli ng isa pang branch somewhere in Kyusi bukod pa sa mga parlor na ipinatayo para sa ate niyang nasa Cagayan de Oro City.

Hindi man aminin ni Mark ay halatang girl­friend na niya si Riza Santos, Ms. Earth Ca­nada dahil ito kaagad ang unang babaing dinala niya sa bahay at ipina­kilala sa buong kaibigan at pamilya. – REGGEE BONOAN