Sarah, gustong maging Lea Salonga

Sa darating na Mi­yerkoles, Agosto 15 ay na­katakdang umalis ang teen pop star na si Sarah Geronimo patu­ngong Amerika para sa kanyang ikatlong U.S. concert tour kaya bago umalis ay nagpatawag ang ABS-CBN ng solo presscon para sa kanya dahil mahigit isang bu­wan siyang mawawala.

Sa susunod na bu­wan na ipapalabas ang kanyang pinakabagong teleserye na pina­ma­gatang Pangarap na Bituin kung saan niya katambal sa kauna-una­hang pagkakataon si Jericho Rosales.  Kabi­tuin ni Sarah at Jericho sina Rica Peralejo at Maja Salvador kasama sina John Arcilla, San­dy Andolong, Cher­rie Pie Pecache, Rio Loc­sin at Joel Torre.

Ang Pangarap na Bi­tuin ay pangatlong te­le­­serye na bale ni Sa­rah. Nauna rito ang Sa­rah, the Teen Princess  nung 2004 na sinundan ng top-rating teleserye na Bituing Walang Ning­­ning.

Kahit 19 na si Sarah, ayaw pa rin niyang ma­ki­pag-kissing scene sa kan­yang leading man dahil gusto umano ni­yang manatili ang kan­yang pagiging role mo­del sa kabataan.

Ang pattern ng ta­gumpay ni Sarah ay ma­i­hahalintulad sa Asia’s Songbird na si Re­gine Velasquez na sa mu­rang edad, nagsi­mulang kumanta at su­mali sa iba’t ibang sing­ing com­petitions. 

Sa edad na 19, love­less pa rin si Sarah pero hindi umano siya nag­ma­madali dahil kahit sa kanyang sarili ay halos wala siyang oras sa rami ng kanyang tra­ba­ho at mga com­mit­ments. 

Ang ultimate goal ni Sarah ay makilala siya internationally tulad ng isa pa niyang idol na si Lea Salonga.  

Sa kabila ng kan­yang tight schedule, pa­ngarap ni Sarah na ma­tapos niya ang kanyang pag-aaral kaya kahit hirap siya sa kanyang schedule ay pilit niya itong isinisingit.

*  *  *

Mahal pa rin nina Rufa Mae Quinto at Erik Santos ang isa’t isa kahit hiwalay na sila kaya hindi imposibleng muli silang magkaba­likan. Sa kabila ng ka­ni­lang break-up ay open pa rin umano ang kani­lang communi­cation line at nangako raw si Rufa Mae na panonoorin ang concert ng kanyang ex-boyfriend sa Big Dome sa darating na Oktubre 19.

Paalis kami ngayong umaga patungong New York, USA at isa sa gusto naming isingit sa aming schedule ang panoorin ang Les Mise­rables sa Broadway kung saan si Lea Salon­ga ang lead star.  Nag­karoon din kami noon ng pagka­kataon na mapa­nood si Lea sa Broad­way version ng Miss Saigon at very proud ka­mi bilang Pilipino ha­bang binibigyan si Lea ng standing ovation ng audience na nag­mula sa iba’t ibang bansa.