Annabelle Rama, nadisiplina ang mga anak

Noted sa pagiging mataray at palaban si Annabelle Rama, ina ng magkakapatid na Ruffa, Rocky, Elvis, Richard, Raymond at Ritchie Paul, pero pagdating sa pagpapalaki at disiplina sa kanyang mga anak ay dapat siyang hangaan dahil napalaki niya ang mga itong mababait, magalang, marunong makisama sa kanilang kapwa at professional sa kanilang trabaho.

Si Ruffa ang panga­nay at kaisa-isang anak na babae sa kanilang anim na magkakapatid, pero very loving at supportive siya sa kanyang mga nakakabatang ka­patid lalo na sa kambal na sina Richard at Ray­mond.

Kahit pare-parehong abala ang magkakapatid, may oras pa rin sila sa kanilang charity work tulad na lamang sa ka­ nilang upcoming major project na RRRampa For A Cause...Runway foR chaRity, isang two-part charity event na nakatakdang ganapin sa Rockwell Tent Makati sa September 16 (Sunday).

Dalawang institutions ang magiging beneficiaries ng RRRampa for a Cause… ito ay ang World Vision at ang Make-A-Wish Foundation.

Samantala, nasa mag­­­­karibal na istasyon ngayon ang magkaka­patid na Ruffa, Richard at Raymond. Si Ruffa ay Ka­pamilya na habang sina Richard at Ray­mond ay parehong Ka­puso pero, hindi umano ito issue sa kanila. 

*  *  *

Isa kami sa nanghi­ hinayang sa pagtatapos ng magandang relasyon sa pagitan ng GMA-7 at nina Angel Locsin at ang kanyang manager na si Becky Aguila.

Although hindi pa na­ kakapirma si Angel ng kon­trata sa kanyang ba­gong home studio, ang ABS-CBN, considered ‘in’ na si Angel sa Kapa­milya Network dahil sila (ABS-CBN) ang nagpa­tawag ng presscon para kay Becky at sa ama ni Angel na si Mang Angel Col­me­nares para kla­ruhin ang mga negative publicities na patuloy na nagla­labasan na may kinala­man sa pag-ober da ba­kod ni Angel.

Nasa London pa si Angel at sa kanyang pagbabalik ng Pilipinas ay doon lamang siya pipirma sa ABS-CBN.

Aware umano si Angel sa mga nangyayari dito ka­hit nasa London siya. Nakakausap din niya ang kanyang kaibi­gan at favorite leading man na si Richard Gu­tierrez at ikinu­ku­ wento rin niya rito ang kan­yang nararamdaman at sama ng loob at naiin­tin­di­han naman siya ng binata. Sa presscon, ina­min ni Becky na apektado ang kan­yang alaga pero uma­asa ang controversial talent manager na hu­hu­pa at maaayos din ang lahat.

Inamin naman ni Becky na lumipat na rin ng ABS CBN ang isa sa kanyang mga alaga sa GMA na si Valerie Con­cepcion at magiging regular na ito bilang isa sa mga co-host ng Wo­wowee.

*  *  *

<[email protected]>