Reality search sa GMA-7 gilusad na

Gisaka sa mga showbiz reporter ang Coke Fame Bus diin giparada kini sa Ratsky’s sa T. Morato human sa gilusad nga Reality Search sa GMA-7 sa Coca Cola ang “Ride to Fame: Yes To Your Dreams”.

Ang maong bus tinood nga bag-o ug aduna kini 24-seater gikan sa Japan.

  Ang mga lingkuranan niini sa likod gipangtangtang gihimong pareha og lounge diin didto mag-jamming ang 12 ka finalist  nga sila si Aaron Cadawas, Giu Comia, Alchris Galura, Daryl Lagus, Carl Guevarra, Alex “Lex” Uy, Avajane Jugueta, Rosan Reodica, Pamela Bondoc, Qwyncy Rei Siclot, Francesca Lagura ug Musique Cabaltesa.

Kuyog sa mga finalists sa paglibot-libot sa mga lugar sa Metro Manila ang mga host nga sila si Drew Arellano ug Karel Marquez.

Molungtad sulod sa tulo ka semana ang gidugayon sa reality search kinsa ang mga finalist gipili tungod sa ilang mga talento sa pagkanta, pagsayaw, pag-compose og kaugalingong musika gawas niini moagi usab sila og lain-laing mga challenges.

Ang mga judges sa maong seacrh sila si Kyla, Joshua Zamora ug Jimmy Antiporda.

Karong Domingo human sa “SOP” ang pilot telecast sa maong search apan magsugod ang pagpanaktak sa mga finalists sa ikatulong Domingo sa Agosto hangtud nga tulo na lang ka finalists ang mahibilin kinsa usa kanila ang mahimong Ultimate Performer.

Gawas sa 40 porsiyento gikan sa mga hurado, 60 porsiyento usab ang gikan sa SMS ug online votes sa mga viewers.

Manghod ni Polo nag-padungog-dungog ni Ara Mina

Nataranta kuno kagahapon si Ashley Gruenberg sa gipahigayong phone-patch interview sa Startalk ngadto ni Ara Mina.

Si Ashley manghod ni Polo Ravales kinsa mibisita sa taping sa Lupin diin nagkuyog kini og amiga.

Si Ashley gipasanginlang nagpadungog-dungog ni Ara Mina kinsa kauban sa cast sa TV series sa GMA 7.

Ang maong pasangil gihimakak ni Ashley ug matud pa niini nga na-misinterpret lang kuno siya ni Ara ug sa ubang mga tawo sa set sa Lupin.

Nangayo og sorry si Ashley ngadto ni Ara tungod kay wala kuno siya’y dautang intensiyon gusto lang kuno niya ug sa iyang amiga magpakuha og hulagway kauban si Richard Gutierrez maong misulti siya nga “galingan mo ha?”.

Dili kuno si Ara ang iyang gitumong sa iyang gisulti.

Apan matud ni Ara nga daghan ang mga mata ug dunggan sa set ug wala siya mamakak.

Sa mga gipanulti ni Ara nataranta niini si Ashley.

Si Ashley mingyawit usab kuno kini sa iyang baba nga “ay bold star” dihang giingnan kini sa usa ka showbiz reporter nga magkamay-ong sila ni Diana Zubiri.