Angel naka-siyam na ka pelikula
Kampo ni Angel Locsin mibutyag nga siyam ka pelikula ang gipirmahan sa batan-ong actress apan
Ang nahisgutang mga pelikula mao ang Kuya, Mano Po 3, Sigaw, Let The Love Begin, Mulawin, I Will Always Love You, Mano Po 5, Txt ug ang The Promise.
Walo sa maong mga pelikula ang nahuman na ni Angel.
Wala iapil sa pag-ihap ang unang pelikula ni Angel sa Regal Film nga Mano Po 2 ug launching sa iyang Singles.
Ang Corporate Affairs sa ABS-CBN mipahigayon og presscon para ni Becky Aguila, manager ni Angel ug sa amahan sa actress nga si Angel Colmenares niadtong Biyernes sa gabii.
Uban sa maong presscon ang abogado nila ni Angel nga si Atty. Joji Alonso-Antonio kinsa producer usab sa MLR Films.
Usa sa gipangutana ngadto ni Becky mao ang dispute sa kontrata ni Angel sa Regal Entertainment.
Si Mother Lily Monteverde nagkanayon nga dili angayang iphon ang co-production uban sa GMA-7 nga mao ang Let The Love Begin, I Will Always Love You ug The Promise ug ang Txt sa APT Films hinungdan nga tulo pa lang ang nahimo ni Angel nga mao ang Mano Po 3, Sigaw ug Mano Po 5.
Si Atty. Joji nagkanayon nga gisubli niya sa pagbasa ang kontrata ni Angel apan walay nakabutang sa maong kontrata nga walay labot sa kwenta ang co-production ventures.
Walo ka pelikula lang kuno ang nakatala ug wala malakip kung tantangon ba ang mga co-production.
Mag-istoryahanay pa ang abogado ni Angel ug Mother Lily kung unsaon sa pag-interprete ang unod sa kontrata.
- Latest
