Juday dipa mag-Kapuso

Dili tinuod ang mga pagduda nga mobalhin na si Judy Ann Santos sa GMA-7, ug dili pa usab kini mahimo sa pagkakaron.

Kini maoy pagtin-aw ni Ryan Agoncillo dihang gipangutana atol sa presscon sa “My Kuya’s Wedding” niadtong milabay nga adlaw.

“Ang alam ko, kaka-renew lang niya sa ABS-CBN at ang alam ko rin, one year ‘yun, so parang hindi pa mangyayari ang lipatan,” nagkanayon si Ryan.

Gawas niini padayon pa usab ang “Ysabella”, ang teleserye sa ABS-CBN nila ni Juday; bag-o pa lamang kini nagsugod busa taas pa ang panahon nga paabutan una kini mahuman.

Kung siya maoy pangutan-on labot sa pagtapo, matud ni Ryan wala siyay exclusive contract ug pers show lamang siya, sama sa iyang gipirmahan alang sa Ysabella.

Gani gitug-an ni Ryan nga dunay tanyag niya nga hosting and acting job ang GMA-7, apan dili kini  niya mahatagan og pagtagad tungod kay nagdagan pa ang iyang teleserye sa Kapamilya.

Ang wish ni Ryan, muabot ang panahon nga wala nay network war. Nga unta sa umaabot wala nay exclusivity sa kontrata, ug kun duna man gani hinaot nga dunay kagawasan ang artista pagbuhat sa gusto niini.

“Like ako, gusto ko sana, puwede kong matanggap ang hosting job sa GMA-7 and at the same time, tanggapin ko rin ‘yung acting job ng ABS-CBN.

“Kasi, napakaganda rin ng offer ng ABS-CBN sa akin when it comes to acting. But I also miss hosting. Since natapos ang “Philippine Idol” sa ABC-5 wala pa ulit akong hosting job. So, mas maganda sana kung puwede ko ring tanggapin ang offer ng GMA.” Showing na ang My Kuya’s Wedding ugma puhon.