Angelica mag-mama gihapon ni Maricel

Hangtud diay karon, “mama” gihapon ang tahud ni Angelica Panganiban kang Diamond Star Maricel Soriano nga kauban niya sa pelikulang “ A Love Story” sa Star Cinema with Aga Muhlach.

Tsika sa PangMasa nga labihan ang pagpasalamat ni Angelica tungod kay manggihuna-hunaon niya si Maricel.Iyang gitug-an nga sa wala pa sila mag-take, nagpasuok sila ni Maricel diin gitudloan siya sa beteranang aktres unsay buhaton niya sa eksena.

Suma pa ni Angelica nga bisan og unsa pay ilang mga role sa pelikula, makapadako sa atay ang concern nga gipaambitan ni Maricel ngadto niya. Kung uban pa tong artista, matud ni Angelica pasagdan ra gyud siya unsaon niya pag-atake ang iyang mga eksena.

 Gitakda nga mulupad pa sila si Angelica ug Aga paingon sa Macau alang sa pipila ka eksena nga adto sa maong dapit himoon.

Kahinumduman nga niadtong child star pa lang si Angelica,nahimo siyang anak ni Maricel sa pelikulang Separada, diin si Edu Manzano ang iyang daddy.

Samtang dugang tsika sa PangMasa nga open na kaayo si Angelica labot sa ilang relasyon ni Derek Ramsey. Tug-an pa niya, hanap na ang posibilidad nga muadto pa sila ni Derek sa Brazil for a sport competition sa December, tungod kay kinahanglan nga magpa-opera ni Derek human ma-injury, ug mahitabo lamang kini human sa taping niini sa “Ysabella.”

Dugang pang tsika ni Angelica nga wala na silay celebration ni Derek og monthsary, gibase na lamang nila ang tanan kanus-a sila nagkaila,September, 2006.

Matud ni Angelica close na sa iyang pamilya si Derek, ug nahimamat na niya ang amahan sa naulahi.

“Dagao” nila ni Dingdong ug Richard, go na!

Sigurado na ang first movie together nila ni Dingdong Dantes ug Richard Gutierrez sa GMA Films. Kini maoy tsika nga nasagap sa kasaligang tinubdan sa Pilipino Star Ngayon.

Suma pa nga “ Dagao”ang working title sa movie ug gipahibawo na kini atol sa premiere night sa Ouija niadtong milabay nga adlaw.

Suma pa nga kun ang movie ni Sharon Cuneta nga London Caregiver dunay September nga schedule with Chito Rono as director, mas mao pa ang “Dagao” diin ang maong direktor gihapon ang mogunit niini, his first sa GMA Films. August gitakda nga sugdan ang shooting sa Dagao,nga nagpasabot og duha ka tawo nga managsama og pagkatawo.

Sila si Marian Rivera, Bianca King ug Iza Calzado ang gibutyag sa tinubdan nga apil sa maong pelikula, apan kaduha-duha pa si Iza kun mahinayon ba sanglit gitakda man siya nga mulupad paingon sa Canada alang sa Hollywood remake sa Sigaw nga dunay international title, The Echo.

Karonpa lang dako nang pangutana kinsang ngalan mag-una sa poster. Dunay miingon nga angay nga mag-una si Dingdong tungod kay una siya nga migama og pelikula sa GMA Films, apan dunay mipasagbat nga kinahanglan si Richard maoy una tungod kay bata pa lang sila ni Raymond, artista na sila.

Gawas niini, laing nakit-an nga problema sa pagkakaron mao ang schedule—busy si Dingdong alang sa Marimar nila ni Marian, samtang magsugod na pod ang taping ni Richard alang sa “Kamandag,” ang next project niya after Lupin.