Angel gawasnon na

Gawasnon na si Angel Locsin. Kini maoy gitino sa manager mismo sa young actress, Becky Aguila ngadto ni Philippine Star entertainment editor Ricky Lo niadtong milabay nga adlaw. “Freelancer” ang term nga gigamit, buot ipasabot mahimo nang modawat og proyekto ni Angel sa bisan asa nga network.

Suma pa ni Becky, ang five-year co-managerial contract ni Angel tali sa GMA Artist Center, napupos na busa wala na kinahanglana ang release order gikan sa Kapuso Network.

“I must add that I never said that Angel has an offer from ABS-CBN or any other company,” tin-aw pa ni Becky.

Gisegundahan kini sa mga kadagkuan sa Kapamilya Network, nga matud pa naglibog nganong dunay migawas nga taho nga nakig-meeting na ang kampo ni Angel kang Gabby Lopez, top honcho sa ABS-CBN.

“Kami mismo, e, nagulat noong kumalat na nakikipag-meeting na raw sa Dos si Angel at ‘yung manager niya. Kumalat pa na nandoon na sila sa office ni Gabby Lopez [ABS-CBN’s top honcho]. Hindi naman totoo,” usa ka ABS-CBN executive nagkanayon.

Samtang gipahibawo ni Becky nga sa July 23 na magsugod ang klase ni Angel sa London, ug mabalik ang young actress sa Pilipinas sa third week of August.

“When she comes back, Angel will enroll in a Business Entrepreneurship course,” ni Becky pa.