Joey, walang balak mag-asawang muli
Ayon kay Joey Marquez na host din ng Kung Ako Ikaw ay loveless siya ngayon. Pagkatapos nilang maghiwalay ni Alma Moreno at ma-annul ang kasal ay wala na siyang balak na mag-asawang muli. Huli nitong girlfriend si Alicia Meyer at wala rin siyang balak na magkaroon sa ngayon ng nobya.
Keempee, Bading Na Naman!
Sa presscon ng comedy-reality show na Kung Ako Ikaw hosted by Joey Marquez at Keempee de Leon ay inamin ng huli na bading pa rin ang kanyang karakter na si Harold na sumikat sa Bahay Mo Ba To!
“Sabi nga ni Ms. Wilma Galvante sa akin ay ang pagiging bading na si Harold ang nagbigay sa akin ng tagumpay at bumuhay sa aking career. Minahal ako ng mga tao dahil sa karakter na ito at malakas ang dating ni Harold kaya hindi nila ito mami-miss,” sabi ni Keempee.
Kung mabibigyan ng pagkakataon ay gusto ng komedyante na gayahin ang isang reporter at gusto niyang mainterbyu si Dolphy.
Sa kabilang banda, natutuwa si Keempee dahil kakaiba ang reality show na ito dahil tatlong celebrities ang maatasang gumawa ng trabaho at mamuhay bilang ordinaryong tao kung saan tatawagin siyang manggagawa.”
Loveless pa rin ang komedyante pero lumalabas siya on dates sa hindi taga-showbiz. Eleven years old na ang anak nitong si Samantha at twice a week kung sila’y magkitang mag-ama. Sustentado niya ang anak. Mayroon siyang negosyo — ang Elorde Gym sa may Southmall dahil hobby din niya ang boxing.
Ano ang pangaral sa kanya ng ama?
“Marami pero lately sinabi ni Daddy na i-appreciate ko ang aking trabaho. Kapag gusto kong pumunta sa abroad para magbakasyon gastusin ko ang aking pinaghirapan para makapagpahinga. Pagbalik ng bansa ay kayod uli,” aniya.
Simula July 16 ay mapapanood ang Kung Ako Ikaw mula Lunes hanggang Miyerkules sa GMA pagkatapos ng Jumong.
Superhero Duo?
Ngayong Sabado ay magiging maaksyon ang bawat tagpo sa pagitan ng Superhero Duo na sina Fantastic Man (Mark Herras) at FantasticGirl (Ryza Cenon) kung saan isang estudyante ng St. Anthony University ang magbabalik. Siya si Jopet (Ryan Yllana) na nabigyan ng kakayahang tumanaw ng kahit anong klaseng metal. Kung paano siya tatalunin ng superhero duo ang siyang dapat na abangan ngayong Sabado (July 14) sa FantasticMan: Ang Ikalawang Laban.
- Latest
