ABS-CBN mihangop sa desisyon ni Jude

Gihangop sa ABS-CBN Cebu ang hukom ni Jude Bacalso nga moretiro na isip host sa Sunday local talk show Jud Morning. Dungan niini, wala wagtanga sa management ang posibilidad nga subli nilang makauban si Bacalso sa lain nilang projects sa umaabot.

Gipahibawo usab sa management nga ipailawom da unya og reformatting ang maong show aron pagtubag usab sa mga hagit sa panahon. Wala pay gihisgutan nga matang sa show nga maoy ihulip sa gibiyaan ni Bacalso, apan gipaabot nga unang kausaban nga mahitabo mao ang pag-bag-o na og titulo.

“Management respects his decision to move on.  ABS–CBN’s  various  platforms  however  remain  open  to Jude acknowledging his versatility and valuable contribution to the industry. The show will  eventually be re-formatted to meet the challenges of the changing times,” tipik sa hamubong official statement nga gipadangat sa management dinhi sa Banat Hugyaw kagahapon.

Una nga napatik dinhi sa Banat Hugyaw niadtong Martes ang exclusive story labot sa pagbiya na ni Bacalso sa iyang show diin siya nanghawod sulod sa duha ka tuig kapin. 

Its my personal decision. I’m not doing it( Jud Morning) anymore. It has nothing to do with the ratings,” ni Bacalso pa. Nagdumili siya pagbutyag sa tukmang rason nganong kalit lamang siya nga miretiro, apan iyang giklaro nga maayo ang iyang relasyon sa management bisan pa man sa iyang management.

Miingon hinoon siya nga laraw niya nga mo-produce og kaugalingong show nga isalida pinaagi sa Studio 23 Cebu.

“I can go on record to say I wanted more control over content and guests, which was hard in a network show. So I may explore new avenues, but still with ABS-CBN  or Studio 23 (Cebu).