Pagsulbong sa Wave Onyx

Hallooo mga Kabischika! Sama sa gisaad sa inyong Yurs Truly, naa koy mga ipaila-ila kaninyo nga grupo nga milangkat sa labing-una, labing bongga ug labing dako nga pa-contest sa Sugbu nga nahitabo diri lang sa inyong Show Nato Ni Oi! sa Luvyugan Dance Contest sa bag-o pa lang gipahigayon nga Kapuso Day. Dali mga suki ug atong ila-ilahon ang mga talentong nanukad gikan sa siyudad sa Talisay, the first ever Teen Luvyugan Champions——ang Wave Onyx!!!

Ang onyx mga kaBischika usa ka gem. Kaniadto, gigamit ning onyx ug sardonyx sa mga Romans kay matud pa nila ang kinsa mang mosul-ob niini mamahimong isog ug daring. Unya it was believed to bring eloquence ug expressiveness matud pa ngadto sa mosul-ob. Ana ba pud kaha ang gipakita aning grupoha bisan wa silay gisul-ob nga onyx? Hmmmm, read on.

Ang pangalan nga Wave Onyx gipangayo sa ilang choreographer nga si Robby Carl Erauda ngadto sa usa sa mga original sa SnapSnipers nga pangalan pud sa iyang grupo sauna. With the blessing, naporma ang Wave Onyx niadtong May 22, 2006. Ang pasabot niini sa ilang pangan kay “kusog mohataw ug sila pud mga cute”. 

Tinuod gyud! Ang walo ka mga naunang miyembro niini gikan pa sa lain-laing grupo ug sila naporma tungod sa panaghiusa nila sa ilang pangandoy nga usa ka adlaw mogawas sa telebisyon ug mailhan. Nagsige sila og apil og mga dance contest aron hinay-hinay silang makaangkon og mga kaugalingon nilang costume.

Tungod sa potential sa maong grupo usa ka tawo ang nisulod dili para mamahimong dancer kundi para mobarog isip manager nila, siya mao si Joey Perez nga pito ka buwan nga nahimong Kuya sa maong grupo. “Ako man silang nakit-an Yur nga magtricycle lang kung moapil og dance contests, usahay paligrahan pa” hinumdom pa  ni Joey. Bisan wala siyay background sa sayaw, wala kini niya panumbalinga kay ang iya lang nga makatabang sa maong grupo. 

Bisan sa ka busy sa iyang schedule sa trabaho mogahin siya og oras sa maong grupo nga iyang giisip nga iyang mga manghod. “Badlungon pud usahay,” buking pa niya. Tungod sa ilang mga pangidaron nga mga batan-on pa, mga kalog ug daw dili gyud mawad-an og mga pasiaw ang mga miyembro niini hilabi na kung magkatapok-tapok sila kung walay praktis. 

Ug ang bonding nila? Adto mag tambay sa SRP ug maligo sa dagat.

Wala damha sa maong grupo nga usa ka adlaw niana ang mga pangandoy nila hinay-hinay na nilang maangkon sa dihang nahibaw-an nila nga naay gipahigayon nga audition ang Oi!Show Nato Ni! Alang sa usa ka dance contest. Sa walay pagduha-duha, sayo pa lang sa buntag nilinya na sila sa GMA 7 ug dako kaayo ang ilang kalipay nga usa sila sa mga official group nga molugwa aron makigtigi para sa maong indigay sa sayaw. Bisan sa kamubo sa panahon wala kini usiki sa Wave Onyx, adlaw-adlaw nga nagbansay-bansay. Strikto ang ilang group rules and regulations sama sa “no girls allowed during rehearsals, no use of cellphone” ug kung taga Wave Onyx ka dili allowed ang manigarilyo ug always on time sa rehearsals.

Imagine, nahuman sila og alas dos sa buntag tungod kay ang Luvyugan Dance Contest pag Kapuso Day kay nabahin man sa tulo ka category sama sa qualifying, unya elimination nga out of 14 mamahimong napulo nalang ka grupo ang mada then para sa Finals nga lima nalang. Ug kulba pa gyud kaayo kato kay ang matag grupo wala kahibalo kung nadala sila o wala kay dili man isibya ang resulta.

Ingon sila kung para gyud nimo ang maong kadaugan mahitabo kana nga wala nimo damha.

“Dili mi katoo Kuya Yur nga kami ang nakadaog”, dungan nga tubag sa mga miyembro sa Wave Onyx. Ang gusto nila nga makit-an sa telebisyon nga maoy ilang gipangandoy tungod sa ilang kakugi gitagaan pa sila sa Kahitas-an og mas labaw pa niini— ang mamahimong unang Teen Luvyugan Champions. Dako kaayo og natabang ang premyo nga PhP20,000.00 nila pero sa pagkakaron aduna na silay mga bag-ong costumes, sapatos ug isip pasalamat ilang gi libre og pakaon ang tanang tawo nga nakatabang nila.

Pagkakaron, dako kaayo og hagit sa ilang grupo isip TLC o Teen Luvyugan Champions sa Oi! Show Nato Ni! Mas doblehon pa nila ang ilang paningkamot hilabi na nga kanunay na silang makit-an sa Oi! Show Nato Ni! matag Domingo. Ug atangi ninyo sila karong Domingo kay aduna silay performance sa inyong show. 

Bisan adunay mga panahon sa ilang grupo nga mabungkag na sila tungod sa dili pagsinabtanay usahay pero nagpabilin silang lig-on para sa ilang mga pangandoy. Kung naa may nausab karon, mao kini ang pagkahimo nilang first Teen Luvyugan Champions sa Oi!Show Nato Ni! Ug padayunon nilang paninduton ang gem nga ilang dala-dala sa ilang kasing-kasing isip Wave Onyx.

Congratulations once again sa Wave Onyx hilabi nila ni Wyndell Peñaranda, John Philip Rabago, Jim Ericson Tangente, Christian Tarnate, Jefferson Okan, Jefferson Cabrillos, Sheen Anthony Langumez and Aljun Labitan.

Aduna ka bay dance group nga buot nimong ipa-Hugyaw? Text na sa 09286252596