Belo gibasura na ni Kris

Kumpirmado na nga mipirma si Kris og kontrata ubos sa Facial Care Centre, a beauty company nga direkta nga kumpetensya sa Belo Medical Group.

Si Kris maoy labing bag-o nga celebrity endorser sa maong kompaniya ug ka liga na nila ni Carmi Martin, Cherrie Gil ug Christina Gonzales.

Kahinumduman nga si Kris maoy labing lig-ong  pambato ni Belo human pod ang naulahi ug si Rossana Roces nagkadeperensya.

Ning bag-o lang nausab ang maayong relasyon nila ni Kris ug Vicki human mibuto ang James Yap-Hope Centeno controversy. Sa mga naunang pakighinabi gipalanog ni Vicki ang iyang tinguha nga mahusay sila ni Kris ug i-renew ang kontrata sa naulahi isip endorser.

Pakyas ang tanan!

Ang tsika sa GMA-7 kagabii mao nga mipirma na si Kris og kontrata sa Facial Care Centre niadtong May 31, atol sa usa ka close door meeting nga gipahigayon sa Sofitel Philippine Plaza Hotel. Kauban ni Kris ang iyang business manager nga si Boy Abunda   ug gamay lang ang mga opisyales sa kompaniya nga misaksi sa kalihukan. Walay media nga gitugtan nga makasulod.

“We really want to keep it hush-hush until our billboard teaser comes out at the end of the week. But since news about it is spreading, it’s best that the facts come from us,” tug-an ni NJ Torres, PR sa Facial Care Centre.

Dugang pa niya,  “We are also planning to put up a billboard at the end of the month, complete with print ads.”

Gitin-aw niya nga facial treatment ang endorsement ni Kris sa ilang kompaniya, kini mao ang gitawag og Refirm Treatment, proseso aron mohugot og balik ang panit ni Kris nga milaylay human siya nagmabdos.

Mark nakulbaan sa hawkanay nila ni Jen

Dunay sakit na pod si Jennylyn Mercado hinungdan nga wala siya makalugwa sa presscon sa “Tiyanaks” sa Regal Films last Sunday. Tsika sa PangMasa nga nabiktima sa trangkaso ang dalaga niadtong nag-show siya sa Dagupan hinungdan nga wala siya makalugwa  sa SOP.

Hinuon kumpleto ang ubang cast sa movie sama nila ni Mark Herras, Rica Peralejo, JC de Vera, Alwyn Utingco, Jill Yulo, Lotlot de Leon, TJ Trinidad ug daghan pa.

Si Mark maoy unang nahinabi sa PangMasa, ug lovelife niini ang giistoryahan. Todo deny gihapon si Mark sa ilang relasyon ni EB Babe Lian tungod kay matud niya getting-to-know pa gihapon sila.

Dihang giingnan nga upat na ka buwan ang milabay dihang ang susamang rason maoy iyang giluwatan, mihirit si Mark sa pag-ingon: “Eh kasi, wala nga po akong time dahil sa work ko, mas okay na po muna ‘yung ganito.”

Gawas ni Lian nalambigit usab si Mark kang Ryza Cenon, balik na pod siya og ingon nga “magkaibigan lang po kami”.

Dihang si Jen na ang naistoryahan, medyo seryoso na si Mark ilabi na dihang gipangutana unsay iyang gibate sa kissing scene nila sa dalaga nga kanhi niya ex.

“Nailang po talaga ako sa eksenang ‘yun kasi siyempre, hindi na katulad ng dati na may relasyon po kami. Grabe, ilang na ilang talaga ako,” pong pa niya.

Bisan si direk Mark Reyes mimatuod nga wala mahimutang sa sinugdanan si Mark ug gani nagpatambag pa kini niya unsay angayan buhaton.