Marky, tsugi sa Asian Treasures

Isinama ni Sandy Andolong sa Beijing, China si Sandino, ang panganay nila ni Chris­topher de Leon para makapagbakasyon ang bagets. Umalis  sila ka­hapon at kasabay nila sa biyahe ang ibang ar­tista ng Asian Trea­sures.

Kasama si Sandy sa cast ng Asian Treasu­res. Importante ang kanyang role kaya may mga eksena siya na kailangang kunan sa China. Limang araw ang itatagal ng mag-ina sa Beijing at pagbalik ni Sandy, magiging busy ito sa taping ng isang bagong  TV series na hindi ko muna sasa­bihin ang title.

*  *  *

Kahapon ang press preview ng Seiko Films. Hindi nakapunta si Diana Zubiri na bida ng pelikula dahil lu­mipad na nga siya papunta sa China. Nagus­tu­han ng  enter­tain­ment press ang pelikula at agree sila sa  sinabi ng direktor na si Joel Lamangan na ma­gagaling ang mga artis­ta ng Silip.

Kakaiba raw ang ku­wento ng Silip  na ka­ilangang umpisahan para maintindihan ang pelikula na mula sa pa­nulat ni Racquel Villa­vicencio. R-13 ang clas­sification na ibinigay ng MTRCB sa Silip kaya puwede itong pa­noorin ng mga high school student na type ang kaseksihan nina Diana at Francine Prie­to.

May mga sexy scene ang pelikula pero in good taste ang pag­kakagawa nito. Kita n’yo naman, pumayag ang management ng SM Cinema na ipalabas sa kanilang mga sinehan ang Silip. Eh ang higpit-higpit ng SM sa mga peli­kula na sexy ang tema ‘di ba? O siya, sabay-sabay nating si­lipin ang Silip sa June 6.

*  *  *

May nagtsismis sa akin na hindi muna uumpisahan ng GMA 7 ang Shaider dahil  may mga inaayos pa ang network. Kumalat noon ang balita na si Marky Cielo ang gaganap na Shaider pero tumang­ging mag-comment ang kanyang kampo.

Wala silang kinum­pirma o idinenay. Tama ang desisyon ni Marky at ng kanyang kampo na huwag magsalita o uma­sa dahil hang­gang hindi nagsisi­mula ang taping, wa­lang kasi­guruhan na siya nga ang magiging bida.

Tsinugi na ang ka­rakter ni Marky sa Asian Treasures. Ang akala ng kanyang fans, pinatay ang karakter niya dahil  uumpisahan na ang taping ng Shai­der. Eh biglang nagba­go ang plano. Mauuna pa yata sa Shaider ang Mga Mata ni Angelita at ang Marimar kaya baka sa October pa simulan ang Shaider. Natsugi man siya sa Asian Trea­sures, sigu­radong hindi mawa­wa­lan si Marky ng mga guest­ing sa Kapu­so net­work.

*  *  *

Ilang araw nang ta­pos ang Miss Uni­­verse con­test pero inookray pa rin ito ng mga kaba­ba­yan natin na hindi ma­tang­gap na natalo ang Philippine bet na si Anna Theresa Licaros.

Nagduda ang mga intrigera na dinaya si Theresa dahil ginanap sa Mexico ang contest. Imbyerna raw ang mga Mexicano sa mga Pinoy dahil ilang beses na tinalo ni Manny Pac­quiao sa boksing si Erik Morales. May ganoong isyu?

Iba naman ang ver­sion ng mga  Pinoy na  may pakunswelo de bobo kay Theresa. Mas mabuti na raw na natalo si Theresa dahil mas nakakaiyak ang nang­yari kay Rachel Smith ng USA. Nadulas na nga si Rachel habang rumarampa sa long gown competition, na­katikim  pa siya  ng ma­lakas na boo mula sa Mexican audience na galit sa US government dahil pinahihirapan nila ang mga Mexicano na manirahan sa Amerika. Bilib ako kay Miss USA  dahil binastos man ito ng harapan, smile pa rin siya. Daay. Kung sa akin ginawa ‘yon, mas ma­lakas na boo ang isa­sagot ko!