Garganera modangop sa SC bahin sa SRP

Dungan nga gisaulog ni Judy Ann Santos sa iyang birthday ang milabay nang Mother's Day  diin adunay usa ka panihapon ang gisaw-an sa pamilya sa aktres ug sa mga higala niini niadtong Mayo 12.

Mayo 11 ang actual nga birthday ni Juday ug Mayo 13 usab ang pagsaulog sa Mother's Day.

Atol sa salo-salo sa panihapon gihatag ni Juday ang iyang regalo ngadto sa iyang inahan nga si Mommy Carol Santos nga usa ka roundtrip ticket sa Israel.

"She really wants to go there even before pa. Matagal na niyang sinasabi sa akin 'yon, even before her birthday. Ngayon lang ako nakakakuha ng chance na mabigyan siya ng trip,kasi ngayon lang nagkasunod-sunod ang trabaho ko. Ngayon lang ako nakaipon nang maayos and I want to give her that" matud ni Juday.

Niadtong Domingo, Mayo 20, mibiya si Mommy Carol kauban ang iyang best friend paingon sa Holy Land diin duha sila ka semana  mawala dinhi sa nasud.

Sa salo-salo sa panihapon siyempre mitambong usab ang uyab ni Juday nga si Ryan Agoncillo.

Sa laing bahin, gihuman na nila ni Ryan ug Juday ang ilang taping para sa bag-o nilang soap opera sa ABS-CBN, ang "Ysabelle" ug matud ni Juday nga karong Hulyo pa kini ipasalida.

Unang makita karong Hunyo 16 sa Araneta Coliseum ang special ni Judy Ann para sa ABS-CBN sa iyang 20th anniversar`y sa showbiz.