Piniliay sa M’daue karong tuiga maoy labing samok – Gujilde

Adunay balita nga naglisod ang production staff sa “Lupin” sa unprofessionalism sa mga artista nila maong gikastorya sa PangMasa ang Executive Producer sa love story/adventure soap sa GMA-7.

Suma pa nga walay kamatuoran ang maong mga intriga, mapasalamaton man gani silang direk Mike Tuviera nga gihatagan sila og mga kugihan ug dili mga reklamador nga miyembro sa cast.

Si Richard Gutierrez  wala mausab ang batasan sukad pa niadtong nahuptan nila  wala kay madungog nga komento gikan kaniya bisan unsa pa ka init sa taping dili lang nimo mapakaon og bisan unsa kay nagmintinar kini sa iyang diet para sa role niya sa Lupin.

Very lovable pod kaayo matud pa si  Rhian Ramos kung wala kini taping ug mahibaw-an niya nga sa studio lamang ang taping nila, moabot kini, pirming naay dalang pagkaon para sa cast ug staff. Gi-dayeg pod pag-ayo si Katrina Halili, 24 oras kining magtrabaho.  Human sa taping, moderitso kini sa out-of-town shows ug pagbalik, sa taping na pod nila, dili na siya kahibalong matulog. 

 Si Ehra Madrigal, dili nimo madunggan nga magreklamo bisan unsa pa ang ipabuhat nimo kaniya, usahay ang production staff na lang ang malooy kaniya. Adunay tibook adlaw kining taping diin human sa underwater scene sa Mariveles, Bataan, pipila ka oras na pod kining ibitay sa harness, pagkahuman mobalhin pa gyud og location.  Upat ka adlaw nga taping kini ug maong kugihan kaayo kini kay gusto ni Ehra nga makapalit og kaugalingon sakyanan, bisan second hand lang para dili siya maglisud og adto sa iyang taping.