Mga artistang nasa pwesto sapol sa sinabi ni Goma

“Nakuryente” ang ma­raming TV reporters na halos maghapon nag­bantay sa NAIA, hang­gang gabi pa sa paghi­hintay sa pagdating ni Yilmaz Bektas. May­roon daw kasing nagbi­gay sa kanila ng impor­masyon na darating iyon, kum­pleto pa pati ang flight number ng airline na diumano ay sa­sakyan ng asawa ni Ruffa Gutier­rez.

Hindi sila naniwala sa sinabi ni Annabelle Rama na hindi matutuloy ang pagdating dito ni Yilmaz. Sinabi pa ni Anna­­belle na sinabihan niya si Ruffa na sabihan na si Yilmaz na huwag nang magpunta pa sa Pili­pinas kung hindi na­man siya sasama pa­balik sa Istanbul. Sayang lang ang pera at pagod ng kanyang asawa.

Sinabi nang ganoon ni Annabelle at si Ruffa naman ay nagsabing buo na ang kanyang desisyon na makipaghi­walay sa kanyang asa­wa, kahit na mahal pa rin niya ito, eh bakit pa sila naniwalang darating pa rin sa bansa si Yilmaz?

Iyong pagpunta dito ni Yilmaz kung sakali, ang balak lang niya ay maka­sundong muli ang kan­yang asawa at ma­kuha siguro ang dalawa niyang anak. Pero kung diniretsa naman siyang hindi sasa­ma sa kanya ang asawa at hindi rin niya maku­kuha ang kanyang mga anak dahil sa umiiral na batas sa ating bansa ang mga batang wala pang pitong taong gulang ay kaila­ngang manatili sa piling ng kanilang ina, ano nga ba ang dahilan para mag­­pilit pa siyang mag­punta rito?

Kung sabagay, ma­gandang ideya na mag­punta siya rito at mani­rahan siya rito para mu­ling ayusin ang kanyang asawa kung talagang gusto pa niyang magka­sundo silang dalawa. Dahil kung hindi niya gagawin iyon, sa gan­dang iyan ni Ruffa, nga­yon ay alam na ng lahat na nakahanda na siyang makipag-dibor­syo sa kanyang asawa, aba eh mabilis na malili­gawan iyan.

*****

Unang bagsakan pa lamang ng quick count, nanguna agad bilang vice mayor ng Maynila si Francisco Domagoso, na lalong kilala sa tawag na Isko Moreno. Ni min­san, hindi siya na­ungu­san ng kanyang nakala­ban sa quick count man o sa official tally ng COMELEC. Kaya nga kinabukasan pa lamang pagkatapos ng eleksiyon, nagpapa­salamat na si Isko sa mga taga-Maynila dahil sigurado na siyang vice mayor.

Bilang konsehal ma­rami namang magan­dang bagay na nagawa si Isko sa kanyang dis­trito, hintayin natin kung ano naman ang gagawin niya para sa buong lun­sod.

*****

Ano kaya ang magi­ging reaksiyon ng ibang mga artistang naka-pwesto sa gobyerno sa sinabi ni Richard Go­mez na nawalan ng ti­wala ang mga tao sa mga artista dahil sa walang nagawa para sa kanila ang mga artistang unang nanalo at naka­upo na sa pwesto sa ngayon.

Palagay namin wala pa lang kumikibo sa ngayon pero sooner or later may sasabihin din ang mga iyan.