SRP hanap masug-an

Working birthday niadtong May 15 si Jennylyn Mercado.  Sa shooting sa  “Tiyanak” siya naabtan sa iyang birthday ug pagka 7:00 a.m., dihang nahuman na siya, diretso si Jen sa Toy World set  sa “Super Twins” ug didto na siya nagsaulog.

Samtang karong gabii, kaduha siya makita sa telebisyon, una sa ST ug ikaduha sa “Magpakailanman” diin iyang hatagan og kinabuhi ang istorya sa kinabuhi ni Elma Muros.

Pwes kung sa ST molupad si Jen, sa MKM modagan usab siya. Ubos kini sa direksyon ni Argel Joseph ug giulohan og“Medalya ng Pangarap.” 

Artistang pildero ug madaugon

Walay daghang istorya nga gidawat ni Anjo Yllana ang iyang kapildihan isip Vice-Mayor sa Parañaque City ug kagahapon balik Eat Bulaga na siya. Pwes ang pangutana, mobalik pod ba kaha si Teri Onor, human siya gikatahong midaog isip  vice-mayor sa Abucay, Bataan?

Samtang bisan wala pa mahuman ang canvassing, duna nay mga istorya kinsay  mga artista nga milansar ang dumadaog ug pildihon. Tsika pa sa beteranang kolumnista sa PangMasa, Manay Lolit Solis, dumadaog isip konsehal sa Paranaque City si Alma Moreno.

Samtang naguol matud pa ang kampo ni Jestoni Alarcon kay siya maoy nag-una sa kwentada niadtong Martes sa gabii, apan pagka-ugma naapsan siya sa iyang katigi pagka kongresista sa Antipolo. Kanhi contract star sa Seiko Films si Jestoni.

“Naisip ko tuloy na mga Seiko stars din sina Cesar Montano at Isko Moreno.

Senatoriable si Cesar at leading vice-mayoralty candidate sa Maynila si Isko.

Lumabas din sa pelikula ng Seiko Films si Barbara Milano na hindi pa rin alam ang resulta ng kandidatura niya bilang konsehal sa Nueva Ecija,” lenggua pa ni Manay Lolit.

Yilmaz nang-indian?

Pwes nipauli nga hoyhoy ang mga abaga sa mga reporters ug TV crew nga nag-atang sa gikatahong pag-abot ni Yilmaz Bektas sa NAIA niadtong Martes. No show ang bana ni Ruffa Gutierrez.

“Naniwala ang media na darating ang most wanted man of the hour dahil nakalagay sa passenger’s manifesto ang kanyang name.Natunugan kaya ni Yilmaz na may balak ang media na i-ambush interview siya kaya hindi na niya itinuloy ang pagdalaw sa ating bayang magiliw?,” nagkanayon si Manay Lolit.

Matud pa niya, miadto usab ang staff sa Startalk sa condo ni Ruffa sa Taguig, sa pamasin nga tua na si Yilmaz didto ug nalutsan sila niini sa  airport, apan wala pod kini didto.