Mega, afraid sa kandidatura ng asawa

Hanggang ngayon ay naghahanap pa rin ng concrete explanation si Tito Alfie Lorenzo kung bakit sina Kris Aquino and Claudine Barretto ang nanalong box-office queen sa Guillermo Mendoza Memorial Award Foundation for their movie Sukob, samantalang si Vic Sotto ang box-office king na hindi naman daw leading man nina Kris and Claudine sa Sukob.

Say pa ni tito Alfie when we bumped into him sa ABS-CBN, hindi niya maubos maisip kung ano ang naging basis ng pananalo ng dalawa samantalang nalampasan pa nga ng kita ng Kasal Kasali Kasalo ang kita ng Enteng Kabisote ni Vic na nag-win ng box-office king.

Ang feeling ni tito Alfie, kung si Vic ang nanalo, eh di sana ang ka-partner niyang si Kristine Hermosa ang nanalong box-office queen. At kung malaki naman ang kita ng Sukob, eh bakit hindi ang ka-partner nina Kris and Claudine ang nanalo like Wendell Ramos as box-office king?

Sabi naman daw ng GMMAF, kita lang ng isang pelikula ang basehan. Eh bakit nga naman hindi si Kristine?

* * *

Kawawa naman si Sarah Geronimo. Gamit na gamit siya sa publicity ng Philippine Dream Academy winner na si Yeng Constantino.

Actually, ok lang siguro sa simula pero parang too much na lately ang mga nababasa ko. Nag-react na tuloy ang mga fans ni Sarah. Ang dami kong nari-receive na e-mail na disagree sa idea na i-compare sila at ang the height ay sabihing magka-level na sila. Actually, true. Pag napapanood ko sila sa ASAP ’07 pag Sunday, parang hindi naman si Sarah ang susundan ng yapak ni Yeng. Parang si Barbie Almalbis or si Kitchie Nadal – in terms of singing style and personality wise.

Parang hindi naman pop singer si Yeng. More on rock music siya.

Dapat siguro humanap sila ng ibang publicity slant for Yeng kasi hindi naman sila puwedeng i-compare.

Speaking of Sarah, kasalukuyan pala itong nasa Canada para sa series of shows. Kuwento ng isang friend ni Ms. Chai Garcia, standing ovation daw ang first concert nito last March 2 sa Vancouver. Kahit daw ang concert ni Sarah sa Edmonton, grabe ang reaction ng tao. "Ibang klase talagang mag-show si Sarah. Nakakakilabot ang reaction ng mga Pinoy doon sa Canada," say sa isang e-mail ng kasama ni Sarah sa concert.

Meron pa siyang naka-schedule sa March 9 sa Calgary at sa Winnipeg sa March 10.

Oh by the way, siya rin ang nanalong Most Promising Female Singer sa Guillermo Mendoza Memorial Awards Foundation.

* * *

True kaya ang issue kay Cesar Montano na may nag-donate sa kanyang P200 million para tumakbo siyang senador? Ito ang usap-usapan ngayon sa mga showbiz tsikahan. Ito raw ang naging basis para mapapayag si Cesar na tumakbo at i-give up ang kanyang sandamakmak na trabaho at kita na aabot sa almost P40 million.

Win or lose daw kasi as senator, win pa rin ang bank account ng actor dahil nga malaki-laki nga raw ang guaranteed funds na ibinigay ng nag-encourage sa kanyang kumandidato.

Pero wala pang comment dito ang actor.

Hinahanap din ng mga showbiz observer si Sunshine Cruz. Bakit daw kaya hindi visible sa kampanya ang misis ni Cesar samantalang siguradong malaki ang magagawa niya para ikampanya ang kanyang asawang actor?

Visible kasi ang mga misis nina Senatoriables Ralph Recto (Star for All Seasons na may sarili ring dilemna dahil wala pa siyang decision kung tatakbo siyang gobernador ng Batangas – Vilma Santos), Francis Pangilinan (Megastar Sharon Cuneta) and Richard Gomez (Lucy Torres).

Asan nga ba si Sunshine? Silent lang ba siyang nangangampanya?

Anyway, true din kaya ang issue na takot ngayon si Sharon sa candidacy ng asawa (Kiko) dahil sa pagiging independent candidate nito?

Actually, may rason daw talagang ma-afraid si Mega dahil wala nga naman silang support na puwedeng makipag-pukpukan sa oras ng bilangan dahil independent candidate siya. Eh parehong wala silang makukuhang simpatya sa Genuine Opposition at Team Unity dahil nagkaroon ng issue sa kanyang asawa.

Kung sabagay si Goma rin naman ay independent candidate pero puwede pa siyang ampunin ng opposition according to a source kahit noon pa man.

Well, parang teleserye ng totoong buhay ang mangyayaring election.

Imagine, kung mananalo sina Cesar at Goma, grabe puwede na silang gumawa ng pelikula kasama si Sen. Bong Revilla particular ng action movie.

Wait and see tayo sa mangyayari sa national elections.

Marami ring showdown sa local level na exciting din abangan lalo na ang kay Ate Vi na wala pang decision up to now kung tatakbo o hindi.