Katrina, idinenay ng 6Cyclemind

Kahit papaano, mali-lift ang spirit ni Kris Aquino sa balitang share sila ni Claudine Barretto sa pagiging Box-Office Queen para sa milyones na kinita ng Sukob. Tama ba kaming almost P300 M ang box-office gross ng horror movie na dinirihe ni Chito Roño for Star Cinema?

Si Vic Sotto ang Box-Office King para naman sa pelikulang Enteng Kabisote. Third straight year na ito ng TV host-comedian at tiyak na lalaban pa dahil nadinig naming, mas pagagandahin ni Direk Tony Reyes ang EK4 para sa MMFF this year.

May paliwanag ang Guillermo Mendoza Memorial Scholarship Foundation, Inc. sa pagkakapili sa winners. Sa kaso ng EK at Kasal, Kasali, Kasalo, sa entire run ng film festival lang daw ibinatay ang box-office gross at ‘di sa buong theater exhibition ng both movies.

* * *

Remake ng old hits ang songs na bumubuo sa 11-track new album ng 6Cyclemind na "Home" under Sony BMG Music. Beatles fan kami, kaya gusto namin ang version nila ng "Across The Universe" at sa reaction ng present sa album launching, maghi-hit din ang version nila ng "Be My Number Two" na original ni Joe Jackson.

In-assure ng banda ang kanilang fans na ‘di nila papalitan ang kanilang music. Nag-try lang sila ng ibang sound, songs from the past given new arrangement and interpretation and in fairness, maganda ang kinalabasan.

Available na ang "Home" in CDs nationwide at magiging busy sina Ney Dimaculangan (vocals), Rye Sarmiento (rhythm guitars), Tutti Caringal (drums), Chuck Isidro ( lead guitars) at Bob Canamo (bass) sa pagpo-promote nito.

Nagturuan pala ang band members kung sino sa kanila ang nagti-text kay Katrina Halili after nilang gawin ang TVC ng Tanduay. Madi-disappoint nito ang sexy star dahil idinenay siya.

* * *

Nakita namin si Polo Ravales habang nagka-kape sa Coffee Bean and Tea Leaf sa Promenade, after the album launch ng 6Cyclemind. Hinihintay nito si Ara Mina na manonood daw ng launching, eh, tapos na’t lahat ay ‘di pa ito dumarating.

Kinumpirma ni Polo na cool-off sila ni Ara, pero nagkikita at lumalabas pa rin ‘pag pareho silang libre. Mas maganda raw ang sitwasyon nila ngayong wala silang commitment dahil walang pressure at expectation.

Magkasama sila sa Lupin III ng GMA-7, pero ‘di magkapareha. Madre ang role ni Ara at ka-love triangle nina Richard Gutierrez at Rhian Ramos ang role ni Polo. Ayaw naming mang-intriga, pero tila mas malaki ang role ng actor kesa kay Ara.

Kahapon, nag-start na ng shooting si Polo ng Silip ng Seiko Films kasama sina Francine Prieto at Diana Zubiri with Joel Lamangan as it’s director.

* * *

Nasa Ghana Africa si Jericho Rosales for a tri-media promotional tour to promote "Loose Fit", ang album ng Jeans Band na siya ang vocalist. Sikat na sikat doon ang actor dahil sa Pangako Sa ‘Yo na ang English title ay Timeless.

Pati ang African prophet na si Abu Bako, kilala si Jericho dahil sa asawa nitong viewer ng Timeless. Nasa bansa ito at bisita ni Bro. Eddie Villanueva at sa isang affair, tinanong ang mga kasama kung kilala ang actor at nagkataong present noon si Angeli Valenciano, manager ng actor. Tinawagan agad nito ang asawa sa Ghana na fan ng actor para ibalita ang nadiskubre.