Regine, pagbigyan kaya ang imbitasyon ni Lani na manood siya ng concert nito?

Wala naman palang problema sa ABS CBN kung mag-guest man si Lani Misalucha sa Kapuso Network, GMA7.

At wala rin daw namang dahilan para magtampo sa Asia’s Nightingale ang mga dating kasamahan niya sa SOP dahil bago siya pumunta ng ABS-CBN ay sinabihan nila ang manager niyang si Ronnie Henares na darating siya at baka gusto nila siyang kausapin pero, wala silang naging reaksyon.

"Nami-miss ko sila pero si Regine (Velasquez), kinausap ko at inimbita ko sa aking concert. Sinabi niya na kung wala siyang gagawin ay manonood siya," ang kwento ni Lani who is having her 3rd concert at the Araneta Coliseum on March 17 na pinamagatang Lani Misalucha Missing You Live in Manila na kung saan ay makakasama niya sina Frenchie Dy, Mau Marcelo at Gary Valenciano.

Katulad ng nauna niyang dalawang konsyerto sa Big dome, ang 105.1 Crossover ang producer ng show na ididirek ni Rowell Santiago. Musical Director si Louie Ocampo.

* * *

Para namang na-oa yan ako sa presentation ng bagong batch ng Pinoy Big Brother 2 nung Linggo ng gabi. Pati ang mga hosts na sina Toni Gonzaga, Bianca Gonzales, lalo na si Mariel Rodriguez ay parang napaka-OA. Di ko lang alam kung ito ang instruction sa kanila ni Kuya.

Feeling ko napaka-hard sell ng present ation nila sa 6 housemates na international pala dahil meron nang mga taga-’Pinas, meron pa ring taga-Australia at Switzerland. Di ko lang alam kung saan-saan nagbuhat yung mga susunod na batch na di pa ipirinisinta, siguro para ma-sustain ang interest ng mga viewers.

Simula pa lamang pero parang pasaway na ang commercial model na si Weng. Narinig na sinabi nito na hindi nai-lock yung handcuff niya at may iba pang reklamo itong sinabi. But in fariness may itsura siya. Pero, dapat lang dahil former beauty queen siya.

Di na naman maiintindihan si Mickey, yung half-Pinoy half-Austrian na nakatira sa Switzerland dahil wala itong alam ni isa mang Tagalog o English word, German lang ang alam nito. Baka magaya lang siya kay Jun Hirano. na Hapon lang ang naiintindihan.

Cute din si Gee Ann, yung cheerleader na may collection ng dolls at stuffed toy. Dala pa niya ang isa sa loob ng Bahay at pinosasan din. Ano ba yun?!!!

Guwapo sana si Ezekiel pero, mataba. Yung anak ng mga police officers, bakit parang napakalambot niya?

Isa naman sa dalawang dance enthusiasts si Saicy na di pumasa para maging titser kaya nag-DI na lang.

In fairness, masusuwerte sila dahil, ang ganda-ganda na ng titirhan nila. Sana maging interesting at colorful ang tatakabuhan ng mahigit sa 100 araw nila sa Bahay ni Kuya.

* * *

* E-mail: [email protected]