After her July 7 wedding, goodbye showbiz na si Nikki Valdez!

Isang taon ding loveless si Nikki Valdez hanggang dumating sa buhay niya ang kanyang boyfriend ngayon, ang Toronto, Canada-born and raised na si Christopher Lina, pamangkin ng dating DILG Secretary na si Joey Lina.

Four years ago, nagbabakasyon noon sa Pilipinas si Chris nang magkakilala sila ni Nikki sa tulong ng isang common friend. Naging simula ‘yun ng kanilang pagkakakilala hanggang sa mauwi sa ligawan at naging sila na.

Apat na taon na ring magkasintahan sina Nikki at Chris at nung February 1 ang kanilang 4th anniversary bilang mag-sweetheart. Nung nakaraang July, nag-propose na si Chris ng marriage kay Nikki at sa darating na Hulyo 7 ay magpapakasal na sila dito sa Maynila.

Sina Aga Muhlach, OctoArts big boss Orly Ilacad at Megastar Sharon Cuneta ay tatlo sa mga tatayong principal sponsors. Ang mga maids of honor naman ay sina Rica Peralejo, ang kapatid ni Nikki na si Angeli Garcia at kapatid ni Chris na si Barbara Lina. Sina Assunta de Rossi, Jolina Magdangal at isang non-showbiz friend ni Nikki ang mga tatayong bridesmaids habang ang kapatid ni Nikki na si Alfred Garcia ay isa sa mga groomsmen.

Pagkatapos ng kasal nina Nikki at Chris ay sa Toronto, Canada na rin titira ang mag-asawa pero sinabi ni Nikki na kung may magandang alok sa kanya rito ay puwede umano siyang magpabalik-balik ng Pilipinas at Canada na may pahintulot si Chris.

Masayang-masaya si Nikki sa kanyang relasyon ngayon kay Chris at ngayon lamang daw siya naging lubos na masaya dahil aabot na sa altar ang kanilang relasyon pagkaraan ng apat na taon nilang long-distance relationship.

Si Chris ay namamasukang sales manager ng Lexus Cars sa Toronto at kung sakali namang naroon na rin si Nikki, ang una umano niyang gagawin ay mag-aral ng culinary arts dahil gusto niyang matutong magluto para sa kanyang asawa.

Sampung taon ang agwat ng edad nina Nikki at Chris. Twenty-eight si Nikki at thirty-eight naman si Chris pero, boyish pa rin ang hitsura nito.