Di uso ang Valentine kina Matt at Olyn

Hanggang end of 2007 na lang si Mr. Johnny Manahan bilang head ng Star Magic dahil retirado na ito at ang kapalit niya ay si Ms. Mariole Alberto, ‘yung assistant niya.

May kumalat kasing si Direk Laurenti Dyogi (head ng Dream Big Productions at business unit head ng uPinoy Big Brother) na ang papalit sa iiwanang puwesto ni Mr. M na ikinagulat ng ilang Star Magic talents na tinanungan namin dahil wala raw silang alam sa isyu.

At tanda rin namin sa huling interview namin kay direk Laurenti ay imposibleng siya ang ipalit kay Mr. M dahil narun si Ms. Mariole na mas gamay ang pagpapatakbo sa nasabing talent agency at higit sa lahat, mas knows siya ngb mga bagets.

Bukod don, hindi na rin daw matutukan ni Direk Laurenti ang Star Magic dahil nga kauumpisa palang ng Dream Big Productions.

* * *

Nakahinga na ng maluwag si Matt Evans dahil natapos na rin ang isyu sa kanila ni Sunshine Dizon na ilang araw ding pinagpistahan sa mga talk show at pahayagan.

Aminado ang bida ng Pedro Penduko na ito ang intrigang hindi niya makakalimutan dahil ito ang pinaka-una niyang negative write-ups, "Siyempre po, medyo hindi maganda ‘yung isyu, pero mabuti naman at natapos na," sambit ng young actor.

‘Yung naintrigang pumatol siya sa bading ay okey lang dahil halos lahat daw ng baguhang artista ay dumadaan sa ganun at lumalabas din naman ang katotohanan sa huli, pero sa nangyari sa Dinagyang Festival ay talagang nakaapekto sa kanya dahil napagbintangan siya.

Samantala, natawa kami sa set-up nina Matt at ng girlfriend niyang si Olyn Meimban nung Valentine’s Day dahil halos lahat yata ng lovers ay may date, silang dalawa ay nasa bahay lang at nagtsikaha.

" kasi po ang tagal na namin kaya hindi na uso yung date-date at anytime naman nakakapag-date kami. Nagpunta lang po siya rito sa bahay after ng show niya sa Batangas, wala na rin po kaming regaluhan, di na uso yun," natatawang kuwento ng dalaga.

Nag-iipon daw kasi ang dalawa ngayon as in everyday ay naghuhulog sila sa kanilang ATM para raw pag nag-anibersaryo sila ay bongga. - REGGEE BONOAN