Bianca, di malimot si Direk!

Kahit di sabihin ni Bianca Gonzales, mahal pa rin niya si Direk Lino Cayetano. Di ko naman siya masisi dahil isang taon at kalahati rin silang nagkaro’n ng relasyon. At ayaw niyang bigyan sisi ang naganap nang pumasok siya ng Pinoy Big Brother Celebrity Edition, nang maging close sila ni Zanjoe Marudo.

"Maaring naging dahilan din yun pero mas gusto kong paniwalaan na mas marami kaming gustong gawin na iba Kaya kami naghiwalay.

"Di ko naman basta-basta na lamang makakalimutan ang lahat. Moving on does not necessarily mean na kakalimutan ko na lang siya basta. It’s not that easy to forget," paliwanag ng magbibigay ng daily updates sa Season 2 ng Pinoy Big Brother na magsisimula sa ABS CBN Primetime, Feb. 25, 9:30NG.

Labing apat na housemates ang titira sa pinabago at pinagandang Bahay ni Kuya na ang tasks daw ngayon ay mas malupit at si Kuya ay magiging mas mahigpit. Isang magarbong big opening ang magaganap sa Concert Hall sa tabi ng Bahay ni Kuya, 9:30 NG.

Kasama ni Bianca na magho-host ng PBB ay sina Toni Gonzaga na host ng PBB primetime season 2, Mariel Rodriguez na magbibigay naman ng Uplate. Magbabalita naman ng kaganapan sa loob ng bahay sa sarili niyang segment si Jayson Gainza. Sa Studio 23 naman ay sina Asia Agcaoili at Sitti, ang bossa nova queen, ang magbibigay ng 7/24 PBB balita.

* * *

Magbibigay ng audition ang Broadway Asia Entertainment for future replacements for their 2007-2008 Asian Tour ng Rodgers at Hammerstein’s The King & I na ididirek ni Bobby Garcia. Aabot ang tour sa China, Taiwan, Korea, Singapore, Malaysia, Hongkong at Japan.

Naghahanap ng young, athletic dancers na marunong ding kumanta: Male dancers (6), at female dancers (6), late teens to late 20sI, strong modern dancer na marunong din ng Thai_ dancing.

Magdala ng larawan, full body & 2x2 at resume, stapled together. Magdala ng sapatos na may takong  at flat. Dapat nakahandang magsayaw ng nakayapak sa audition na magaganap sa Martes, Marso 6, 10NU-4NH, sa Steps Dance Studio, C1 Bldg. C, Karrivin Plaza, 2316 Pasong Tamo Ext., Mkti."

Para sa ibang detalye, tumawag sa Atlantis Prods., 8927078.

* * *

E-mail: [email protected]