Bernard, kinukulit si Roxanne kaya hiniwalayan ni Meryll!

Gaano katotoo na isa raw sa matinding dahilan ng paghihiwalay ng mag-asawang ÿÿBernard Palancaÿÿ at Meryll Soriano_ ay ang pambababae ng una bukod pa sa bisyo nito?

Ang latest na kinukulit sa text messages ni Bernard ay si Roxanne Guinoo na wala raw ginawa ang aktor kundi tawagan at kuliting magkita sila.

Nairita raw ang ex-girlfriend ni Joross Gamboa at naikuwento niya ito sa isang friend na ipinarating naman daw kay Meryll at ang ending ay mega-away ang dalawa na humantong sa hiwalayan.

Simula raw kasi nung makita ni Bernard ang mga sexy pose ni Roxanne sa isang men’s mag ay hindi na mapakali ang aktor.

Sorry ka na lang BJ dahil hindi ka type ni Roxanne, hindi siya tulad ni Meryll na madali mong nabola.

* * *

Usung-uso ngayon ang mga artistang nage-endorso ng mga kandidato kaya hindi naiwasang hindi tanungin si ÿÿÿVina Morales kung sakaling kunin siya uli ng ex-boyfriend niyang si Congressman Miguel Zubiri na kakandidatong Senador ay kung papayag siya?

Hindi maitatangging malaki ang naitulong ni Vina kay Miguel kaya nanalo itong Congressman dahil ilang linggo ring naglagi ang singer/actress sa bayan ng Bukidnon para ikampanya ang dating karelasyon.

"Kung noon, e, labor of love, ngayon ay may bayad na dapat, ha, ha, ha!" nagbirong sabi ni Vina.

"If ever na alukin ako, hindi na rin siguro ako papayag para walang intriga. Pareho na kaming tahimik ni Miguel, kaya tama na, lalo’t pareho rin kaming may kanya-kanya nang lovelife ngayon," paliwanag ng mommy ni Maria Flordeluna.

Samantala, aware ang singer/actress na hanggang ngayon ay maraming bumabatikos sa kanya dahil sa pagpatol niya sa may asawa, "I can’t please everybody, kanya-kanyang opinion ‘yan, I respect their opinions at sana irespeto rin nila ang desisyon ko," katwiran ni NShowgirl na may repeat ngayong February 24 sa Araneta Coliseum.

Si Mark Herras na ang kapalit ni Prince of Pop Jay-R bilang guest ni Vina sa Showgirl —at abangan ang production number nilang dalawa dahil showdown daw talaga. – REGGEE BONOAN